A Fanu Thla 5 Long A Si Rih Mi Ai Pom Pah I, Inn Dot In Thi Lak In A Zuang

Vawlei cung ummi minung a hopaoh hi lung rethei bal lo mi kan um la lo dah! Lung retheihnak kan ngei cio ko lai tiah ruah nak ka ngei. Kan lung retheihnak ai dang cio i kan ton mi zong ai dang cio. Asinain lung retheihnak kan ton tikah kan ruahnak le kan thin lung vialte control kho tu cu kan mah hi kan si. I control khawh bak nai zuam ah cun thil tha lo na ruah mi vialte chung in na luat ko lai. Asinain thil tha lo na ruah mi control timh nak ngei lo in na lung retheihnak kha na ruahchih peng ah cun thil tha lo cu na cungah a tlung ko lai.

Hong Kong khawpi ummi kum 34 mi Luo Lili cu mirum taktak khi a si. A pa zong China mirum minthang pakhat a si. Luo Lili cu USA ram ah a chuak i, American-Chinese a si. Company tampi a ngei i, a company min cu TriBeluga ti a si. Ram dangdang ah khual a tlawng tawn mi a si i, vawlei cung i minthang former Secretary of State Hillary Clinton, former California Gov. Jerry Brown le singer Rita Ora pawl he zong an ai tawng cang mi a si.

Pasal a ngei rih lo nain fanu te thla 5 mi a ngei i, vawleicung ro le thilri vialte cu a ngei dih ko nain a hnangam kho lo. A hawi le pawl nih Luo Lili hi lungdonghnak a ngei tiah an chim i, January 6 ahcun a inn tual ah thicia in an hmuh. A fanu thla 5 mi cu ai pom buin amah apartment inndot cung in a zuang.

Taklawng in arak um i, an nufa in a hmun ah an thi. A hawinu Alice Chiu Tsang Hok-Wan nih a chim ning ah cun ‘a tlangval (darling) pa hi a dawt tuk nain a tlangvalpa nih thit a dub rih lo. Nau a pawi lio ah i um nak ding kong an chim tti nain a tlangvalpa nih i thit umh a manh rih lo nak kong a chim hoi.

A naupawi mi cu a hrin can a za i, dam le lunglawm tein a hrin. A fa ruangah a pa he kan karlak a tha deuh ko lai tiah a ruat nain an karlak thil cu zeihmanh a tha hlei lo. Fa a hrin piak hnu zongah ai manh lo nak kong a chim peng rih tikah lungdong in mah bantuk thil a tlung ko lai tiah a zumhnak le a ruah nak cu palik sinah a chim.

Tthit umhnak an tuah rih lo ruangah a tlangvalpa min cu a rak thuh peng. Palik pawl nih a thihnak a ruang cu an hlathlai cuahmah lio a si. A inn chung vialte an check nain ai thahnak konglam le a lungfonghnak catial mi zeihmanh an hmu lo. Cu caah lam dangdang in a thih nak kong hi theih i zuam in an hlat cuahmah lio a si. Credit: Zonews

Be the first to comment

Leave a Reply

Your email address will not be published.


*