A muite he, thak viar in bengh-lap ding te khin ai umter le

“A muite he, thak viar in bengh-lap ding te khin ai umter le…”

Kei hi kum 72 upa ka si cang ca ah nan thawng tial mi pawl hi ka tuule ka kauterchom tawn hna. Ca nan chuah ti lonak sau le kan hlam hna. Kale ah zei ca hmanh a chuak ti rua lo hi teh.

Tarmit kai benh bu in fiang ual lo khin ka rel tawn. Ka rel mi pin ah an chimceih mi ka hna in ka theih mi ka ruah tik ah Min Aung Hlaing tepawl hi sau cu an nguh ti lai lo hih, ka hei ti.

Chim ruam ahcun, keizong cu ralkap pension te ka si ve. Nain, Min Aung Hlaing tepawl thiltuah hi nan tial lengmang tik ah huat an chuak tuk hme hi ka ti.

A muite he, thak viar in bengh-lap ding te khin ai umter le.

Midia nih hin van tial lengmang ko u. Thil thalo an tuah mi zong phozaar lengmang hna u. Ti khan dawh, anmah pawl kan huat hna nak a karh lai le Laimi kan i purup lai cu awh. Cu lo ahcun, ralkap ka tlak lio ah, “Kawl ngian cu Kawl lawng nih an theih,” an kan ti tawn mi kan chuak sual lai.

A rengreng ah, feibuk i ca nan tial mi khi ngan deuhpi in kan tialpiak kho ulaw ka duh. Ka mit nih a hmu hringhran lo.
Kai lawm.
Nehemiah Pu
Kale Myo
Crd. The Hakha Times

Ralkap nih tei dingin an fuhmi, Victoria camp cu thlam sawhsawh te a si te lai. Victoria camp tak cu an hmu lai lo. Chin ram dihlak hi Victoria camp a si zong kha an ifiang lai lo. Victoria camp cu chinmi thinlung ah a ummi a si, timi zong an hngalh lai lo. Cucaah, Victoria camp tak cu, zeitik hmanh ah an la kho lai lo i, an tei kho lai lo.

Israel pawl an hmai ah Rili sen pi a um. An hnu in Faro Ralkap nih an kulh hna. Rili le ral karlak an um lio ah karlak ah, a cheu nihcun Faro sal dirhmun ah kir an duh tiah an zai. “Faroh sal si a nuam deuh” tiah a cheu an zai bantuk in,

nihin Kan ral nih an kan dum cuahmah lio ah, a cheu nihcun, Ralkap tang idawr ziar in an sal si hi kan him deuh lai. Kan doh hna ahcun an kan thah lai” tiah an zai len ko lai. Cuticun, an zai cu Pathian kan lei ah a ttan an hngalh lo caah le, teinak kan sin a um, an hmuh khawh lo caah a si.

1967 Kum, six days war tiah hngalhmi ah, a dir ka mite, Israel ram, ram fate cu, Muslim ram, ram ngan pipi ram 5 nih an tuk nain an rak tei lo. Zeicatiah, an lei ah Pathian a um caah a si.

Zoh hmanh u! MAH ralhrang tanks nganpipi le meithal thatha hna cu, an zaam tak te lai i, an rak iphawrhmi meithal lila in anmah kha, kah an si te lai.

Be the first to comment

Leave a Reply

Your email address will not be published.


*