A Nupi Nih A Zamtak Ruang Ah Nu Pa 18 A Thah Cang Hna Nai Fabuary Thla Ah Khan Minung Pa 2 A Thah Than Hna

India, Hyderabad i a um mi kum 45 mi Maina Ramulu nih nu18 a thah cang hna. Kum 21 a si ah hin nupi a nei, asinain nupi a neihhnu raulo teah a nupi nih tlangval dang a neihtak diam.

Cuthil a ton hnu cun nu pohpoh hi a huat dih hna i a thah thluahmah hna.Nu minung 18 a thah cang hna i,a thah hnu hnaah an taksa cu theithiam lo ding in a khangh dih hna. An thil neihmi suithi le thi dangdang a lakpiak hnuah hmundang ah a zam diam tawn ti a si, a thah mi nupawl thenkhat cu taksa ai zuar mi pawl an si hna.

Nupawl cu a lem a lem hna hnuah an eidin ding rawl ah tursi a peihpiak hna i a thah tawn hna. February 2011 ah an tleih i a nunching thawngtla ding in a bia an chah piak. Asinain siizung an kal pi lio ah a zam than i a um nak hmun an theih ti lo ruang ah nu dang pawl cu a va thah than hna.

Mithil zong a fir hna i sualnak phunphun a tuah. January 2021 chungah nu pahnih a thah than hna. Palik pawl nih CCTV record mi 500 kaltlanh in an dothlat i an tleihkhawh than. Ghatkesar palik sakhan ah an chiah i ai tlak ning in hremnak pek ding in an buaipi cuahmah lio a si.

Be the first to comment

Leave a Reply

Your email address will not be published.


*