A Pi Nih A Dawt Tuk Mi Le Phone A Hman Ter Zungzal Mi Hngakchia Pate Cu

Chan hi a cangkang tuk cang i inn kip ah phone hi pahnih pathum tal an i hunh dih cia cang hna. Cheukhat minung le bang cu nulepa riantuan duh ah an fale cu phone an tleih ter hna i, thaten um kho lo in phone he ai um mi hngakchia an tlawm ti loh chin mi chung zong ah an tam tuk cang hna. Thenkhatt cu hngakchia caah a tha lo tuk i a hleice in an mit nih a tuar.

Taiwan ram Taipei khuapi i a um mi pitar zong a tupa te a dawt tuk nak ah a tah can poh ah phone a hman ter zungzal tawn phone cu hngakchia umh nak ah a hman. Hngakchia kum 4 pate Yu En nulepa cu riantuan zungzal mi an si i, an inn ah hin hngakchia le a pi lawng an um tawn. A pi nih cun a tupa te cu nazi 8,10 chung bak nichiar phone a hman ter zungzal i video phunphun pin ah hngakchia game zong a chiahpiak rih.

Caan a liam thluahmah i hngakchia pate a mit cu khua a hmu kho ti loh. Cutik ah hngakchia cu a nulepa nih a rianran nak in sibawi sinah an kalpi tik ah cun phone an rak zohter tuk ruang ah a si nak kong kha sibawi nih cun a chimh hna. Curuangah cun hngakchia pate cu a mit a that than hlan lo chung cu phone tongh ter ti lo ding in sibawi nih a chimh hna i phone an rak zohter lengmang ruang ah cun phaisa tampi dih in le lungre thei in an fapa te cu an buaipi.

A dam fel hnu zong ah sibawi pa nih an fapa te cu nikhat ah nazi 2 chung pin cu phone tongh ter ti lo ding in bia a cah hna. Hngakchia cu an mitmu a no tuk rih ruang ah saupi phone an zoh cun an mit nih a tuar tuk tawn.Nau nan um tik ah hngakchia phone tongh ter lo ding in ralrin nak ah hmangcio hna sih.
Credit : Vapual Auaw

Be the first to comment

Leave a Reply

Your email address will not be published.