A poi bak; Thailand a um mi Chin pa(Pathian riantuantu Fapa) nih Mindat Ralzam ca’h Hlutmi Sing 400 MMK lonh cu a lak viar

A poi bak; Thailand a um mi Chin pa(Pathian riantuantu Fapa) nih Mindat Ralzam ca’h Hlutmi Sing 400 MMK lonh cu a lak viar
==================

Mindat ralzaam caah tiah ramkip um Chin miphun hna nih an si khawh tawk in an pek mi le an hlut mi phaisa (bat-700000)leng cu Thai ramah ummi, Kawlram miphun pa nih Mindat peng mipi hna sin ah thlathum rauh hnu tiang ah kuat lo in, a bawmchan tu hna sin zong ah a khirh than hna lo tiah theih a si.

Mindat ralzaam caah a hlu halpiak in kuatu cu Jarmany ram um, Mindat khua mi Mai Awm Seing nih a Facebook ah a tu bantuk in a langhter. “Mindat caah a hlu phaisa hmuhmi a kan pe lo tu cu Thai ah ummi, Chin le Kayin cithlak kawlram miphun pakhat a si. A min cu Myo Min Htut a si. A hlu phaisa kan hal hi thlathum a luan cang.

Ramkip fonhin hmuhmi phaisa dihlak hi (bat 700000) leng a kutcung ah a ummi cu, a tu tiang a kan pe lo. Kan mah europe le USA in minung pakhat nih kuatmi chungin bat 350000 leng cu pek hmasa ding in hal a si. Nihin September thla ni 15 ah a za te in kan pek hna lai a ti caah, biakam nak tu le tu pek in, a phun phun bia a chim, ni hin ah keimah cu a ka block cang.

Thai ah a ummi a si i A pa cu thawngtha chim tu Sayagyi Pa Pau a siA hlan ah kawlram dihlak huap in khrihfa biaknak ah riantuan bal mi asi. Hi ca a rel tu ah hin a pa thei tu cu an i tel theu lai ti cu ka theih ko. A pa zong ka chimh piak uh. A tu ah a pa cu niruk ni ah a pum mi biaknak ah bible sianguk a si tiah ka theih. A nu cu Kayin miphun.

A sining fianghlang deuh in ka hlat lio tiah a Facebook ah a langhter.
Note: hi ca post mi hi Mindat rianngei tu hna hnatlak pi nak in tar mi a si tiah” Mai Awm Seing nih a Facebook ah a langhter. Crd; The Chin Post

Be the first to comment

Leave a Reply

Your email address will not be published.


*