Tu ni Rangoon Tamine Myothit ah PDF pa 4 ralhrang nih an tlaih

Rangoon Tamine Myothit ah Ralhrang he kahdoh nak a chah i mipi pa 4 tlaih an tong
==================

Rangoon ramthen, Mayangone(မရမ်းကုန်:) peng, No. 2 veng, Tamine Myothit(သမိုင်းမြို့သစ်) , Pitoutshwewa lam aah a um mi inn pa 1 cu tuzing slm. 9:00 hrawng ah ralhrangbu nih an lut hnoh i kaphnih le in kahdohnak a chuak i, mipi 4 an tlaih tiah khuami pa 1 nih a chim.

“voi 30 hrawng meithal an puah i an i kah. A tu cu lam le Myothit veng (1) nak a dihlak in ralhrangbu nih a kham dih cang. Ralhrang motaw hna zawng khi ka lei ah an kal cuah mah lio a si” tiah Tamine khauthar pa 1 nih Yangon Khit Thit

Media sin ah a chim.

A tu caan ah Tamine Myothit No. 1 veng pawngkiang le Bayintnaung(ဘုရင့်နောင်)lam lei ah ralhrangbu thazang tam taktak in himvennak an cawngh tiah theih a si. Crd. Khit Thit Media

Nihin ah a cang mi Tamu khua kahdohnak ah ralhrang lei in minung 17 hrawng an thi Sagaing ramthen Tamu khua nihin zinglei ah kahdohnak a chuak, ralhrang phu lei in minung 17 hrawng an thi, PDF lei in minung pakhat a nunnak a liam, minung pahnih nih hliam an tuar tiah PDF-Tamu in rianngei pakhat nih a chim.

Tamu khualeng ah ummi University of Technology hmun chungah umhmun khuarmi ralhrang phu hna cu Tamu PDF phu nih nihin August 23, zinglei suimilam 5:30 hrawng ah an kah hna caah kaphnih kar kahdohnak a chuak.

“Nihin zinglei suimilam 9:00 hrawng tiang an i kap, ralhrang phu lei in a thi mi an um cu a fiang, Tamu sizung ah ralhrang phu hna sivang in an um” tiah Tamu-PDF in rianngei pakhat nih a chim.

August 22 ni zong ah Tamu khua, Myomah no.12 sang Nanphalung, High school, sianginn ah umhmun khuarmi ralhrang phu hna cu mipi vengtu phu Tamu-PDF hna nih bomb in an doh hna caah ralhrang phu lei in minung 2 an thi, hliamtuar mi zong an um.

Sagaing ramthen,Tamu khua cu ralhrang phu nih hriamhmang in doh mi hna chung in a hramthok an si. April thla chung ah a cang mi kahdohnak chungah khuami mino hna nih hramhram nawlngeihnak la tu ralhrang phu hna cu kham in kahdohnak ah ralhrang phu lei in minung 18 an rak thi. Crd. The Chin Post

Be the first to comment

Leave a Reply

Your email address will not be published.