A Poi Tuk E SAC Ralhrang Hna Nih Cun, Yangon Mino Pa 7 Hna Cu Sualnak Neilo Mi Hna Cu, SAC Ralkap Nih Cun, Thah Dingin.

Yangon ramṭhen, north Okkalapa  peng, Dawpung  peng le Innsein  peng in mino pa 5 le nu 2 cu phungrelnak 54 in ralkap biaceihzung nih bia a ceih hna hnu ah March 30 ah hrithlai in an nunnak laak ding in biakhiahnak a tuah, tiah SAC nih thawng an thanh.

Hrithlai ding in bia an khaihpiak mi hna hi Ko Ye Yint Phyo  Ko Khine Min Thun  Ngian Hein Htet, Ko Pyi Phyo Tu, Ko Wai Moe Naing Ma Su Myat  le Ma Su Wai Hnin an si .

Hi hna hi north Okkalapah peng, H sang Wifi motor ṭawlnak dawr ngeitu meithal in kah thahnak le north Okkalapah peng bomb puahnak ah an i tel tiin dan an tat mi hna a si, tiah theih a si.

SAC ralkap nih ralkap biaceihṭung ah dantatnak pehzulh in an tuah pinah SAC uk duhlonak a langhtertu siangngakchia le mino pawl cu heh tiah an tlaih hna i thong an thlak hna, tiah theih a si.

 

Thawng dang,Sagaing ramṭhen, Shwebo khuachung luhnak gate pawng ah bomb a hmanhtu mizapi vengtu ralkap 2 cu tlaih an si, tiah SAC ralkap sin thawngpetu Han Ngein Oo nih telegram channel ah an hmanthlak he march 29 an lang ter.

March 29 ah a langhter. Tlaih a tong mi PDF 2 hna cu Shwebo pengkomh battalion 15 in Ye Hlaing kum-34 le Pit Tai Thawng kum-32 an si, tiah anmah battalion-15 nih Mizzima ah an chim.Nizaan tiang rallam hmun ah an um rih tiah kan theih.

angki sen he Yee Hlaing hmanthlak cu ka hmuh, an hrem hna lai cu a fiang ko, a angki le a biang ah thisen he hmuh a si, an hriamthil he tlaih an si caah an nunnak ca ah thinphang a si ko, tiah PDF chungtel Harry ti mi pa nih a chim.

Shwebo pengkomh battalion 15 in mizapi vengtu ralkap chungtel 4 cu cycle 3 he Shwebo khuachung luhnak no.7 sang, SAC ralkap nih umhmun an khuarnak hmunhma ah March 29, zinglei suimilam 3:00 hrawng i bomb an hmanh lio ah.

mizapi vengtu ralkap 2 tlaih an si, tiah theih a si.SAC ralkap an i hngilh lio a si lai, tiah kan ruah caan deilei suimilam 3:30 hrawng ah bomb kan va hmanh. Tlaihkhih a tong mi mipi ralkap 2 hna cu lamkam ah ral an kan ngiat piak. Pit Tai Thawng cu.

cycle cung ah a ṭhu i, cu lio ah cun palik motor a phan i an pawng ah cun an dirhnawh hna, tiah cu thil a can lio ah aa tel ve mi ralkap pakhat nih cun a chim.

Motor pakhat he a phanmi SAC ralkap chungtel 6 cu civil thuam sawh he an motor cung in an ṭum i Yee Hlaing le Pit Tai Thawng cu an tlaih hna. Tlaih a tong mi Mizapi ralkap 2 hna sin in kutser meithal 1, kuan bawm 2, bomb thilri hna le cycle 3 cu SAC ralkap nih an chuh hna. Mizapi vengtu ralkap bomb hmanhtu hna chung in minung 2 cu an zaam manh.

Tlaih a tong mi Pit Tai Thawng cu zei hriam hmanh aa put Lo, a phone chung ah zeihmanh zong a um lo caah chekhlatnak an tuah dih in cun an thlah ṭhan lai ka zumh. Chekhlatnak minutes 15 hrawng an tuah hnu ah.

kan umnak lei cu meithal in an kan kah. Kan kutchung ah kutser meithal le kuan bawm 2 lawng a um caah kap ve ding in kan tlamtling lo, tiah a chim chap.Tlaih a tong mi mizapi vengtu ralkap.

Yee Hlaing le Pit Tai Thawng cu fak tuk in an velh hna caah an nunnak ca ah thinphang an si ko, tiah mizapi vengtu ralkap Harry nih a chim. Shwebo pengkomh battalion 15 chung ummi pakhat nih cun battalion tam deuh ah kutser meithal le kutser bomb hman a tam deuh.

SAC ralkap hna he kan hriamthil aa thlau tuk caah kaphnih kahdohnak a chuah tikah kanmah lei tlaihkhih a tong mi le nunnak tiang a liam mi kan um tawn, tiah a chim chap.Crd The Chin Post