A poi tuk; Gawahati ah Laimi mino 26 palik nih an tlaih nak a ruang cu….

A poi tuk; Gawahati ah Laimi mino 26 palik nih an tlaih nak a ruang cu….
===============

Chinram in Laimi mino 26 cu India ram, Assam ramkulh, Gawahati khua, Rehabari ah a um mi MuanaRun hotel ah khua palik hna nih September thla ni 12 ah an tlaih hna tiah theih a si.

September thla ni 13, Press Trust of India(PTI) ah Pathian ni ah Assam palik bawi nih lunghrinh ruang ah Myanmar rammi 26 tlaih an si i mah hna cu ” India tialmi ca (document) a deu a ngei i a cam mi hna an si tiah a chim. Aadhard Card le Voter ID hna cu an si in hmuh a si i, Documents a deu cu Mizoram ah kan tuah mi a si tiah an chim, tiah palik nih a chim.

” Thawngfiang ning tein, a riahnak hmun Rihabari area ah kan luh hnoh hna i minung 26 an si i, nu 10 le pa 16 cu tlaih an si” tiah Assam palik bawi nih a chim.

” Biahalnak cung ah, kan zapi tein Myanmar rammi, Chin ramkulh, kan si i Delhi lei ah Pathian Bia cawnding kan lamthluang a si tiah an chim” tiah Palik nih a chim. Case cu zung ah minthut a si cang i kherhlainak cu tuah cuahmah lio a si. Crd; Mizoram News

Nihin September 13 ah Yangon i ramdang kalnak passport zung on than a si i minung thongkhat deng nih passport an sok tiah theih a si.
Passport thar a sokmi pakhat nih “Zing lei ah an tam deuh, minung thongkhat cu an si lai. Atu hi cu ca a herhbau mi tete buaipi in cheukhat an kal cang.

Hmundang in a hngak mi zong an um caah za hrawng lawng an tang cang” tiah a chim. Passport zung hi a hlan ah cun Yankin center pawng Saya San lam ah an on tawn mi a si nain, a tu ahcun mah hmun hi venhimnak ruangah lam an phih I university hostel lamthar ah thial a si.

Yangon passport zung hi thla 2 leng chung khar a si hnuah nihin ah an on than mi a si i, zingka in mi a hngak mi an khat cang. A tuan ahcun September 10 ah an on lai tiah kan theih mi a si nain, a tu an on cang i a sok tu an tam chin te men lai tiah passport sok ve mi pakhat nih a chim. Cr; The Chin Post

Be the first to comment

Leave a Reply

Your email address will not be published.


*