A Poi Tuk Tawn E : Za Han Zan Ah Khan Ralhrang Hna Nih Hakha Minung 3 An Tlaih Tthan Hna E.

Zahan zan khan Ralhrang nih Hakha ah minung 3 an tlaih than hoi. A poi tuk tawn e. Tlaih lawng te an i rian ko. Hi ti hin langhter a si.
Nizan Hakha ah SAC Ralhrang nih Minung 3 an Tlaih Hna

Nizan zaan sml. 11:00 hrawng ah SAC ralhrang nih Hakha, Dawrhlun sang ah upa pakhat le mino pahnih an tlaih hna, tiah thawng kan theih. Tlaih a tongmi hna cu:(1) Sui Tawng Pa,(2) Joshua,(3) Peter an si.

Joshua, Peter le a dang an hawile hi an lennak hmun in inn lei ah an rak ttin i palik nih dahmei in an ceuh hna caah Dauchim lam ah a ummi Sui Tawng pa te innchung ah an vung lut. Palik nih Sui Tawng pa te inn cu an kal hnawh i Sui Tawng pa, Joshua le Peter cu an tlaih hna. Sui Tawng pa motor zong check a herh an ti i an kalpi chih.

A cunglei minung pathum an tlaih hna lio ah meithal voi 3 zong an puah i a tlimi pawl an kahmi hna maw a si, an puah sawhsawhmi dah a si ti cu fiang in theih a si lo. Meithal an kahnak kuanhawng pawl zong pawngkam ah an um hna, tiah minung pakhat nih a chim tthan ve.

Source: The Chin Journal, May 19, Hakha

Be the first to comment

Leave a Reply

Your email address will not be published.


*