A Tu Lio Thongpang A Hman, A Hman Lo Ti Mi Kong Hi?

Min Aung Hlaing nih private bank pawl hnahnawh a pek hna timi cu a dikmi a si ko. A bikin ramdang phaisa dollar pawl a lakmi a si. A lakmi zat a theimi nan um ah cun ka chim uh. Ramdang media ah thawngthanh ka duh hna.
Zeiruang ah dah Min Aung Hlaing nih hin dollar hi a chuah hna timi cu a fiang tukmi a si. Tuluk le Russia nih a ba in thil an pek duh tilo caah a si. Cu hlan ah cun UN Security Council ah azizutnak kan tuah lai an ti fate Kawl ram cu an dirkamh.

Cun, thla 3 rau thla 6 rau tiin Kawl ralkap thazang tthawnnak caah cukha babgia tiin Tuluk le Russia sin ah man tam taktak in a pek i hriamnam pawl a cawk. Cucu cuhlan bia a si. A tu ah cun Min Aung Hlaing cu a tla cang lai timi an hmuh tik ah a ba in thil an pe duh ti loh. Phaisa fang bakin pek lanwng ah an duh cang caah dollar pawl a chuh nak hna a si. Paei leiba chamnak ah a si ko.Zung rian tuan pawl thlahlawh a pe kho hna lo tiin MRTV ah thawngthanhnak an tuah timi thawngpang cu a dik lomi a si.

Thlahlawh a pe kholo timi cu a dik ko. Bank an hon lo ruang ah a si. MRTV ah cu konglam cu chimphung ding tiang in Min Aung Hlaing hi a molh rih lo. MRTV nih cu kong thawng an thanhmi video nan ngeih ah cun ka kua uh.Shwe Dakung pura ah an hlutmi phaisa million 6000 a lak timi thawngpang cu a cheuchum lawng a dik. Tlawmpal in kan chim fian deuh a si ah cun Shawe Dakung pura ah hin an hlutmi phaisa cu a um nain phaisa fang in a si loh. Cahren in a si. Shwe Dakun pura zohkhenhtu nih an hlutmi phaisa bank i an ap tik ah cahren in a si i cuzat, kha zat tiin cahren cung ah tial a si tik ah cu phaisa pawl cu ram chung a herhnak ah hmanter a si ko.

Pura phaisa pawl hi bank ah ting thong 40, 50 nak tam an um loh. A dik thlir in a theimi nan um ah cun ka chim uh. cu chung ah a ummi tucu a kalpi taktak cang. Cozah riantuan thlahlawh pek awk ah a lakmia si le silo tu cu theih a si lo.Tuluk ralkap pawl Kawl ram an phan timi tu cu a dikmi a si. Facebook cung ah an tarmi hmanthlak tamdeuh hi cu a dik lomi an si. Tuluk lei nih special force tlawmpal an rat ter taktak ko hna.

Min Aung Hlang a ttil cang lai timi an theih tik ah Embassy runven duh ruang ah a si. Zinan pipe line pawl runven ding ah an rak kuatmi hna an si lo. Embassy le hmun pipa deuh runven dingin a rak rami an si.Min Aung Hlaing Malay ah a tli, Thaiand ah a tli timi thawngpang cu a dik lomi a si. Min Aung Hlaing cu ICC le ICJ ah a zizut dingmi a si. Thailand le Malaysia cu chimlo a paei a simi Tuluk le Russia hmanh nih an cohlang lo. Cu a si ruang ah a tu hi hi tihin hruhru hranghrang in khua a saknak le aa chawhveihnak a si.

Zantim caan ah cu hmun ah, kha hmun ah an kah, a puak tiah timi kip zong in zum zia thiam uh. Zahan zong ah Cu zawn kha zawn ralkap nih an kulh dih lai ti bantuk bia vaivuan a chuak tuk.A donghnak bik i chim ka duhmi cu kan i timhmi kan hlawh a tling deng cang. CDM hi thazang pe hna u sih. Kan mah leiin palhnak a umnak hnga lo kan thinlung control zia thiam hna u sih. An nih lei nih cun a si khawh chung in lak an i tim lai. Kan Kawl ram pi daihnak in um ko seh.Amen.

Be the first to comment

Leave a Reply

Your email address will not be published.