A tu Nai Ah US Ral Tuk Nak Tilawng Ngan Nih South China Sea A Rak Phan Cang.Hi Nih Hin Kalwlram Buai Nak He Peh Tlaih Nak A Ngeih Lai Tiah Zumh A Si.

US Raltuknak minthang simi Tilawngpi US Theodore Roosevelt cu South China Sea bak a lut cang. Cun hi bantuk in a rak luhnak a ruang bik hi a tu lio kawlram buainak he aa pehtlai theo lai tiah an ruah. An chim mi hi a dik taktak ahcun hnangam deuh a si. Si taktak sehlaw a tha tuk mi thil asi lai mu.

US Raltuknak Minthang Tilawngpi USS Theodore Roosevelt Cu South China Sea A Lut Cang .Hi Konglam he pehtlaih in mi cheu khat nih cun,a tu kawlram buainak he a pehtlaih lo tiin a ruat mi zawng kan tam kho men. kawlram buainak hi vawlei cung ram kip nih theihpi dih mi le an duh lo ngai mi,an doh dih mi a si caah ruah lending tamtuk a um lai.

Kawlram buainak konglam ah hin, Tuluk le Russia nih an bawmh caah,Min Aung Hlaing nih hin Aanaa a ting ngam mi asi ti cu kan theih dih cio mi asi ko lai dah.Kum 2008 phunglam pi nih cun,kawlram chungah zei bantuk ram dang ralkap hmanh an lut kho lai lo a ti nain,a tu-ah Tuluk ralkap an lut cang tiah theih asi tik ah, kawl ralkap nih hin, anmah sermi phung cu an buar/an hrawh caah cucu US nih hin,Kawlram chungah luhkhawh lonak lam a ngei lo ve lo.a duh ah cun a lut kho ve ko cang tinak asi.

Tuluk nih ka tikulh tiah US ahawikom ram pawl he an i cuhnak South China Sea chung ah US raltuknak USS Theodore Roosevelt pi cu kan phan cang tiah Facebook page ah an tar. Hi ka hmun hi Yangon in meng 1200 hrawng a hei i hlatnak a si. A tulio Kawlram buainak lio ah USS Theodore Roosevelt hika a phak hi ai pehtlai lai lai tiah ruahdamh a si.

Kawlram buainak kongkau ah hin mi tampi nih US President sinah ca kuat in le bia chim in siseh, cun Sandah piak mi hna zawng nih US Embassy zung hmai tiangah an aupi lengmang mi asi tikah,US President caah cun um sawhsawh cu asi kho ti ve lo mi asi cang tikah, zei dah a rak chuak te lai timi cu a caan nih a rak langhter te lai cu.

Credit : CBN

Be the first to comment

Leave a Reply

Your email address will not be published.