A Zee Mah Tluk Kan Buai Lio Ah, RCSS,SSPP le TNLA An Mah Le An Mah An Ni Kap Hawi Cang.

Kawl Ralkap le mipi, hi tlukin kan buai lio ah, Tlang Cung Hriam Tlai Phu 3 Hna cu anmah le anmah an ni kap i, anni kahnak nih a zual chin chin cang tiah theih a si.. lungrual tein kawl ralkap kan doh hna lai kan ti lio i, hi bantuk in mah le mah i kah cu, kawl ralkap hna caah cun, an nihchuak tuk lai dah.

A ni kah nak a ruang hi, zeihmanh theih khawh rih asi lo tiah theih asi. Mi cheukhat nih an chim nak ah cun, State pakhat le pakhat ramri kongkau ah le cu an ramri hna cu, zeihmanh uksak lo le zeirel lo in, an ni pah piak ruang ah a si lai tiah an ruah nak bia cu an chim ve. Hi hna hi, march thla ni 28 nikhan an ni do cang tiah theih asi i, a tu-ah cun, inn kang mi le ral zam mi hna zawng an tam tuk ko cang tiah an chim.

A tu lio ah cun, tlang cung mi hna,kan dih lak in, ttan rual i, kawl ralkap doh ding kan si na tein,hi bantuk buaibai nak a um hi cu,tlangcung mi kan dih lak vanchiat a si ko. sihmanhsehlaw, Hi hna phu hi cu, cu tluk cun a ngan mi phu an si lem lo i, Federal army sernak ah cun, cu tluk cun, an kan dawn lai lo dah.

Kawl ralkap hna teinak ah cun, Federal army longlong hi kan ni bochan mi a si cang caah, lungrual tein kan um khawhnak ding ah thla cam cio ko u sih.

Credit : RFA

Be the first to comment

Leave a Reply

Your email address will not be published.


*