AA Hriamtlai Phuhna Nih Cun SAC Ralkap He Kan I Kah Leng Mang Caah Mipi Nih A Him Nak Deuh Ah Um Ding In An Ti Hna

Singapore Ih Hnatuan Tu Kawl Fala Nunnak Liam 28.5.2022 Ram harsat nak ruang ah hlawh fa tuan ding ih ramdang pawk suak tu lak ih sin Singapore ram ih hnatuan tu. cu tu nai te ah a hnatuan nak inn dawt 6 nak in a tlak pang ih siizung ah tuam hlawm rero asi nan a nunnak a liam ta asi tin Lynn Nyo facebook cun a tarlang.a tlak nak ah a tai tanglam a zengtluh tin khal a bet asi ih thinlung lam beidawng nak ruang ah tla a si tin a tarlang bet. Poi kan ti nasa.tanta mi innsang Bawipa in hnem hram seh law.R.I.P Crd..photo…Lynn Nyo, Kalay mino

MIZORAM RAMKULH MAMIT PENGKOMH CHIN RALZAAM Lawngtlai, 28 Biangreithlep 2022: Mizoram ramkulh, Mamit pengkomh Dapchhuah khua ralzaam riahbuk ah Chin ramkulh in minung 70 leng an um. Hi ralzaam riahbuk lawng ah um lo in Dapchhuah khuachung ah innhlan in a ummi minung 1000 leng an um tiah RFA nih a langhter Mizoram ramkulh, Mamit pengkomh ah ralzaam riahbuk pakhat lawng a um i, hi riahbuk ahhin, Matupi peng, Paletwa peng, Mindat peng, Kalay hna in an si. Mizoram ramkulh ah pengkomh 11 a um i, hi pengkomh 11 chungah ralzaam riahbuk a um dih tiah theih a si.

Kahdohnak a chuah hlan ah ralhrang cawlcanghnak cu a luancia Sikpar 2020 hlan deuh ah Arakan ramkulh ah ralhmai sernak a tam tiah AA lei nih an chim. Hi ruangah kahdohnak a fak chin kho mi a si tiah AA nih khuami ralrinnak an pek hna. Ralhrang lei chimnak nawlngeitu Zaw Min Tun nih a luancia 19 Biangreithlep i thawngfianhnak ah Arakan ramkulh chungah AA nih kahdohnak tuah dingin an kan sawm tiah a chim hnu ah a tu bantukin kahdohnak a chuah hi a si. Nizaan kahdohnak kong he pehtlai in kaphnih in thawngthanhmi zeihmanh a um rih lo.

TEXAS RAMKULH SIANGNIAMRUN AH MEITHAL KAHNAK A CHUAK NGAKCHIA 18 NUNNAK LIAM Lawngtlai 25 Biangreithlep 2022: American ramkulh komh Texas ramkulh sianginn pakhat ah nihnih ni ah khan meithal kahnak a chuak i ngakchia 18 le upa 3 an nunnak a liam i meithal kaptu kum 18 mi zong a nunnak a liam tiah nawlngeitu hna nih an chim. San Antonio in nitlaklei meng 85 ah a ummi Robb siangniamrun ah khuami pakhat nih meithal in a kah hna nak hi a si tiah Texas khuabawi Greg Abbott nih a chim.

Hi meithal kahnak a chuah hi Texas ramkulh ah nunnak liam an tambik sianginn i kahnak a si i Houston hrawng i Santa Fe sianglairun kahnak in minung 10 an nunnak a liam kum 4 hnu ah a chuakmi a si. Meithal in kahnak a tuahtu tlangval no hi Law enforcement hna nih an kah ve tiah an langhter. Abbott nih a chim ning ahcun ” a min ah Salvador Ramos a si i, kum 18 upa mi a si, amah hi Pistol a ngei, cun Rifle zong a ngei” tiah a chim.

Meithal kaptu pa hi palek nih an kahmi a si kho men, asinain zohfel cuahmah lio a si, meithal in kahnak a tuahtu pa hi amah pakhat lawng nih a tuahmi a si tiah Uvalde pelek bawizik Pete Arredondo nih thawngfianhnak ah a chim. Credit: The Lairam Times