AA Nih Kawl Ralhrang Hna Phomh Ding In Tha Zaang An Lak Cang..

AA nih hin,kawl ralhrang hna kut tang ah um hi an duhbal mi asi lo,kawl ralhrang hna he zawng hmunkhat ah rian ttuan tti dingin an ni chawn bal lo.an rak dirnak hi a sautuk rih lo nain,an tthawng tuk i,hriamnam zawng ttha ttha a ngei mi an si.an rak dirh ka teah hin,Kachin KIA nih tamtuk an rak bawmh hna. Hruiatu ttha an ngeih caah chikkhat teah an tthangcho ngaingai.

An hruaitu Tun Myat Naing hi pa ralttha le ca thiam mi asi lengah,a ralkap hna sin zawngah, a tu le tu a langlengmang i thazaang a pek tawn hna tiah theih asi. A tu nai hrawng hi,kawl ralkap he an ni kah lonak sau pah cang i,kawl ram mipi zawng nih an thong theih kan duh ngaingai mi hna an si.

Cun atu lio kawl ram buainak he pehtlaih in,CDM an tuah dih i, cu atuah mipoh hna le mipi hna cu,dawtnak le zaangfahnak a ngei lo mi kawl ralhrang hna nih cun, an tlaih hna i an vuak chih len hna long silo in,sualnak a ngei lo mi,nu nau le hngakchia tiang in meithal in an kah lengmang hna tikah, AA zawng nih cu bantuk thil cu ngeihthiam har an ti ve cang caah,Kawl Uico hna cu doh dingin an ni timh cang.

Min Aung Hlaing Uico hna hi, an sual man cu hmuh ding an tlak hrimhrim ko.Mipi sualnak ngei lo mi hna le,Nu nau hngakchia cung i an thil tuah mi hi,minung nih ngeihthiam khawh ding asi tilo,Mipi le ram ca i a dir mi kan si bantuk in kawl Uico ralhrang hna hi kan doh a herh hrimhrim ko cang tiah AA le i Upa pakhat nih cun a chim cang.

A tu-ah cun kawl hrang hna lakah zaangfahnak umti lo in le teinak kan hmuh khawh nak ding tiangin kan kah ve cang hna lai tiah an chim mi cu asi.AA pawl hi kawl Uico ralhrang hna nih cun,Tapung nan si tiaah an rak timi hna kha an rak si nain, atu-ah cun CRPH nih Tapung an siti lo i, Federal ralkap an sicang tiah a pawm mi hna lakah khan an ni tel ve cang.

A tu-ah kawl ralhrang hna kah ding in kakip ah hmunhma an lak dih cang i,ready bak an si cang tiah thong theih asi.

Credit : RFA

Be the first to comment

Leave a Reply

Your email address will not be published.