AA Sakhan Jet Vanlawng In Akap Tu Ah Khan Russia Vanlawng Mawng An I Tel

Myanmar le Thailand ramri ah a um mi Rakhine ralkap AA pawl sakhan pakhat cu July 4, chun lai ah ralhrang ralkap nih jet vanlawng in bomb an thlak i, AA chungtel cheukhat an thi tiah AA lei nih cun cathanh an chuah.

AA lei nih an chim ning ah cun “July 4, chun suimilam 12:25 hrawngah Myanmar le Thailand ramri ah a um mi Rakhine ralkap AA I kan sakhan pakhat cu ralhrang ralkap raldonak van lawng pahnih in bomb an thlak i, sakhan pawngkam i a ummi AA paraltha cheukhat hna cu an thi i, hliamhma apu mi zong an um tiah an chim.

Ralhrang ralkap nih kan sakhan i bomb an thlak ruangah kan sakhan chung i sizung, sikhan le thil thilthitnak sehzung pawl an rawk dih. Kan sakhan bomb an thlak hnuah Ralhrang ralkap raldonak vanlawng pahnih cu Thailand ram ah an va lut kha asi, tiah AA nih cun an chim.

AA lei in biachim nak nawl a ngei tu  Khai Thukha nih cun Thil tu ning kan zoh tikah ralhrang nih hin tinh hram hram in kan sakhan pakhat bomb an thlak in a lang. Aruang cu, a tu I KNU le ralhrang pawl kahdohnak hmun cu kan sakhan he aa hlat tuk. Cutikah, ralhrang pawl nih hin kan sakhan cu timh ciammam tein bomb an thlak in a si.

Ralhrang nih kan sakhan bomb an thlak ruangah kan paraltha minung6 an thi. Zeiruangah ralhrang nih kan sakhan bomb an thlak timi a ruang thei dingin hlathlainak kan ngei cuahmah lio asi. A tu tiang ah cun hi pin cu chim khawh mi zeihmanh a um rih loh tiah achim chap.

June ni 30 I AA Sakhan vanlawng in kah nak cu TataO  hlei lei in vanlawng hi arak zuang tiah theih asi. Kawl ralhrang nih hin Karen, Kachin, Chin hna ah hin vanlawng in bomb athlak lengmang hna nak ah hin Russia vanlawng kawl ralhrang vanlawng mawng tu lawng si lo in Russia vanlawng mawng he an I bawm tiah theih asi. Hi kong he pehtlaih in ralhrang vanlawng mawng chungin thawng aleng mi cu, kawl ralhrang le Russia vanlawng mawng hna I bawm in an tuah mi asi tiah theih asi.

Russia sin in Sukhoi Su-30 vanlawng an cawk mi cu kawlram vanlawng bual aphan mi cu kawl ralhrang nih a mongh an thiam lo caah, Russia Vanlawng mong nih mongh chimh bantuk in an um I a tu lio  I kawlram chung kahdoh nak aum nak hmun ah an zuam ter hna i an kah ter hna, an mah Russia vanlawng mawng hrimhrim nih hin an kah I bomb zong an thlak ti asi.

Russia pilot hna nih vanlawng an mongh i bomb an thlak hi atu voi khat lawng hi asi ti lo 2019 le 2020 lio I Rakhine kahdoh nak lio zongah khan YAK 130 vanlawng pawl in Rakhine ram chung ah atu bantuk hin an rak tuah cang tiah theih asi. Rakhine kahdoh lio ah hin YAK 130 vanlawng hi kawlram aphan ka asi caah Russia Pilot pawl nih amongh chimh bantuk in Rakhine ram ah bomb an va thlak hi asi.

Cu ruang ah cun atu zong hi an Russia vanlawng mong hi an I tel hrim ko lai tiah, operation spec fire lei I tuanvo ngei tu sin in tieh asi. Aruang cu 2018 ah khan Myanmar le Russia hi US dolor 204 million dih in vanlawng cawknak biakam nak an rak tuah mi cu, 2022 march thla ahkhan vanlawng pa 6 cu an phan I atu tan I Russia in kawlram ah aphan mi vanlawng hi hriam mam aphunphun aa ken kho i vanlei he tanglei he, raltuk nak ah bawmchan kho ngai ngai tu asi. Min Aung Hliang hruai mi ralhrang nih cun amawngh thiam dih hi asi kho rih lo, Russia vanlawng mawng ha an I bawm ko tiah vanlawng lei tuanvo ngei in CDM atuah tu sin in theih asi. Source: New Update