Abia Pi Ngai Mi Kong Lam Tawi Tutan Ah Fakkhun In Dothlennak Kan Tuah Mi Hi Miphun Hme Te,

Tutan ah fakkhun in dothlennak kan tuah mi hi miphun hme tete nih caan tha laak in khua an khaan cio caah lung rawk ngai a si ko. Kanmah Chin cinmi chung hmanh in Mara nih ralkap he remnak tuah an duhnak kong an chim cang hoi.

Cu lawng si loin ZRA nih kan miphun hriamtlai CJDC an kah hoi cang, CNA hriamtlai hmanh hi voi tampi an kah hoi cang hna. Hitluk in Chin State a hme mi ah Ralhrang a dirpi tu hriamtlai phu 2 an um hi cu a poi taktak.

Kanmah Chinmi lawng kan si lo. Kawlram hriamtlai ah a thawng bik dingah ruah mi Shanram zong mah bantuk thiamthiam an si ko. SSPP /TNLA tibantuk pawl hi an thazaang a thawng tuk lawmmam nain namah le anmah an i kah peng caah Min Aung Hlaing doh caan an nei lo.

Hitluk i kan lung a rual lo lio ah hin Min Aung Hlaing teinak tiang thazaang kan chuah lo caah kan dothlennak hi a laak ka a si kho ti hi ruah lo awk a tha lo. hriamtlai cakcak nih min aung hlaing doh loin kanmah le kan mah kan i doh hi cu lung a fak hrinhram ko ee.By,Pa Ceu.

Thawng pang dang, Ruahpi le Thlitu fahtuk Ruangah CDF-Mindat Umnak Sakhaan Cheukhat A Rawk Dih.CDF Mindat umnak sakhaan cheukhat cu ruahpi le thlichia hraan tuk ruangah voihnih khengte aa rawk tiah thawngtheih a si. April 19 ah voikhat a rawk dih ii April 29 tthiam ah voikhat a rawk dih tthan.

Rawlchumh nak le einak hmunhma le ihnak hmanh a umlo tiah theih a si. A rawkcang mi Muka hna zong hmantthan ding an tha tilo. Cu caah nan sikhawh chungin bawmhnak kan pe ve hram uh tiah khuami pakhat sin in theih a si.

Bawmh a siaherhmi pawl caah a tanglei phone number ah pehtlaih khawh a si. Phone. (+95 9777182971) (+95 9898786900)

Relchap, Rianṭtuan mi aa khat ko zong ah aa tifuh ngaimi an um. Mah rian hi kaa ṭuan sual a ti lio mi um si ve fawn. I zuam ciocio ko zong ah mi zei khi dek hlawh a tling deuhmi an lo tawn. I hnahchuah le i hngar a hmang lomi minung le kan um lo. Mah tlamtlin lio ahcun a tlam aa tlinh lo lio mi an fim lo nak hmuh a fawi.

Kei zong ka hlawhtlin caan ah hlawh aa tlinh lo mi hna an santlaih lo nak ka thei kho ngai. Ka derthawm deuh caan ah hlawh aa tlinh deuh mi hna soisel khawhnak lam ka kawl fawn. Mi ṭumchuk ah i lomh hna ka hmang ziar tawn. Upa le ka upa cuahmah.

Hi lungput menmen he hin maw thlanmual ka liam thai te lai ti ka ruat cang. Kan duh zong duh lo zong ah ni khatkhat cu kan thi lai (Sy Ṭial Uk hla a van hman tuk ee).

Bu khat si ko zong ah micheu fale cu zohcho ngai an si. A cheu nule pa cu fale kong ah lungrethei vansangau in um a si ve fawn. Fale ṭha ka ngei ti aa ruat mi nih an kong chim an vuai lo. An hna a ngam. Cu lio ah kan fale kong an theih sual lai ti a phang mi nu le pa rak um ve a si.

Fale inn lawi hlan chung lungtur zawtnak he khua an sa. Zatlang ah fak pengmi fale a cheu, mawhchiat peng mi fale a cheu. Ka nu nih a rak ka fak, ka pa nih fung in a rak ka tuk leklek. Ka fale hi kaa chawr tawn hna. Lungchung in lungrethei in ka um lengmang fawn.

Mi fale he cuaithlai caaan, heh tiah rial dit caan. Hitihin maw phu hnih in bu khat um cio ko mi kan si peng lai i caan cu a dih te ko ne lai. Mangṭha mangṭha law kan i ton ṭhan hlan tiang ti hlasak cu mithi thlahnak a si ka ti.

Tu cu, Thinghmui san caan ram san caan, ka hun ti khawh cang. Mi hlawnh an tlin zong ah i lomh ding. Mah sining zong ah thachiat lo ding. Fale ṭha hna lomh pi ding. Fale thlacham deuh ngeih mi zong lungdongh lo ding.

Zeicaahtiah caan a dih rih lo. A donghnak a si rih lo. Thaizing ah zeidah Pathian nih a canter lai ti cu honihdah an theih. Tuchun ah hngarmi hna zong nih Pathian an herh. Tuchun ah a lungre theimi hna zong nih Pathian an herh. Bawipa nih a tuah khawh lomi zei hmanh a um lo.

A sang mi santer chin khawhnak, a niam mi cawisan khawhnak nawl ngeitu Pathian a si. Cungcawinak nawl le tangṭhumhnak nawl a ngei. Bawipa kha na lungthlitum pe law na lungthli tum an pek lai (Ps. 37). Pathian khuakhan cu kum khat kum hnih men in tah khawh a si lo. Kan donghnak ni lawng ah kan chim khawh te lai. Credit:Chan Thawng Lian.