Actress Thet Mon Myint Kawl Ralkap Nih Taza An Cuai Nak Cu?

Myanmar ralhrang ralkap TV MWD nih April 3 ah Myanmar ramchung minthang minung 20 tazacuainak thawng a thanh i cu chung ah cun actress Thet Mon Myint zong aa tel. Tazacuaimi hna lak ah Thet Mon Myint, Phwe Phwe, Ngyi Nanda, Washo Moe Oo le Kaw Ni tibantuk minthang pipi an i tel hna.

Atulio ralkap uknak a dohtu pawl an tlaihmi hna taza an cuai hnanak pohma no. 505 (a) in taza an cuai hna hi a si. April 3 ah Kalaymyo lamzawhtu hna le Myanmar ralhrang ralkap karlak ah tlaihmi minung thlennak an tuah, tiah thawng kan theih.

Mipi lei ttuanvo ngeitu pakhat nih, “Ralkap nih tlaihmi minung kan i thleng hna lai tiah a kan hal zungzal. Zinglei ah minung 2 an rak thlah. Cun, zaanlei ah minung 6 an thlah tthan hna. Nizan zong ah khan minung pakhat an thlah,” tiah a chim.

Ralkap lei nih an tlaihmi minung 9 an thlah hna caah mipi lei zong nih minung 6 nihin ah an thlahpiak ve hna. Mipi nih an rak tlaihmi hna hi traffic police minung 5, palik 1 le Dalan 1 an si i, cu chung ah cun minung 6 nihin ah an thlah ve hna hi a si.

April 2 ah Gangaw-Kalay karlak Natchaung khua ah Myanmar ralhrang ralkap nih kum 13 lawng a si rihmi ngakchiapa Mg Ngyi Naing Phyo cu a paw ah meithal in an kah caah a nunnak a liam, tiah thawng kan theih.

Natchaung khua mino pakhat nih, “Ralkap nih a ruak a kan chuh sual lai timi kan phan caah an kah ni ah a ruak kan vui colh,” tiah a chim. Ralkap nih Natchaung khuachung ah meithal kah thlorh in an kah caah ngakchiapa hi thinpang thlalau in a zaam i cu lio ah cun meithal kuan nih a khen hi a si.

April 2, Natchaung khua ah kum 22 a simi tlangval Aung Naing Htwe zong ralkap meithal kahnak in a nunnak a liam ve. Natchaung cu Laimi tampi khuasaknak Chaungkhuah le Hakhalay khua he aa pehmi khua a si. | Credit: The Chin Journal

Be the first to comment

Leave a Reply

Your email address will not be published.


*