Adam Sualnak Kan I Hrawm Lo Timi Cawnpiaknak Hi A Tu Lio Ah Ralhrang Kan Timi Nak In Țih A Nung Deuh

ADAM SUALNAK KAN I HRAWM LO TIMI CAWNPIAKNAK HI A TU LIO AH RALHRANG KAN TIMI NAK IN ȚIH A NUNG DEUH

 Zeicatiah a tu lio ah Ralhrang kan timi hna nih cun kan pumsa nunnâk hi an thah khawh i kan pumsa dornak inn zong an khangh khawh. Asinain kan thlarau nunnak an that kho lo i zungzal kan umnâk ding van inn, Jesuh remh mi cu an khâng kho lo.

Adam sualnak kan i hrawm lo timi cawnpiaknak nih cun kan thlarau kha a thah khawh i Jesuh ser mi zungzal van ah phân kho loin Sehtan le a zultu umnâk ding ah sermi zungzal a mit lomi mei tili ah a kan kalter khawh.Zeicatiah Eden Dûm i Adam hmasa sualnâk kha kan i hrawm lo, kanmah tein sualnâk kan tuah i misual ah kan i cang tiah an ti bangin Adam hmadung Jesuh Khrih dinnâk zong an i hrawm lo i anmah tein an tuahmi dinnâk ruangah miding kan si tiah an tinâk a si bangin Sualnâk an tuah cân ah kan khamhnâk a tlau tiah an ti i țhatnâk kan tuah cân ah kan khamhnâk a tlau lo tiah a phi an chuahter.

Cu lawng si loin anmah tein țhatlonâk kha an hrial i țhatnâk kha an tuah ah cun Jesuh an zumh lo zongah biaknâk dang dang muslim le Bhuda le Hindu an si zong ah van ah an kai ve ko lai timi hi Adam sualnâk kan i hrawm lo tiah a titu Liberal hna an kawltung a si. Cucaah Adam sualnâk kan i hrawm lo timi cawnpiaknâk hi khuachia hlennâk in a rami cawnpiaknâk a si caah a tu lio ralhrâng nâk in țih a nung deuh mi cawnpiaknâk a si.Atu Lio Kan Tonmi Kip Hi Ngaihchiatnak Lawng Te Caan țha kan ngeih lio ah pakhat le pakhat i daw u sih Ram kip le hmun kip um Fb hawile hna, atu lio cu ral le rai ruangah aho nih domhtlai manh loin cheu khat hna nih cun an kan liamtak i, i zumh awk hmanh a har lei khi a si cang. Cu tluk cun minung kan nunnak caan hi a tawi chin lengmang cang. A ruah awk zong kan hngal ti lo, ar bang kan vai dih cang.

Mi cheu khat acc cu response hmanh kan tuah manh hna lo i, cheu khat acc he cun hawikom lawng kan si hna i țha te zongin i chawnh bia manh hlan ah an liam hna. Cheu khat acc ngeitu pawl he cun kan i kom ngaingai hna. A cheu khat cu ka caah man ngeimi fb hawikom an si hna.Ca ka țialmi ah siseh, thazaang a ka pe lengmangtu hna le thil a dangdang kong ah a ka chawn tawn i bia ka ruah ți hawikom cheu khat pawl hna cu a voikhatnak kan i chawnh a si bantuk in a hnu bik le a donghnak bik kan i chawnh zong a si fawn.

Ngandam i zuam law hi hnu zongah tampi in kan țialpiak lengmang ko rih mu tiah forhfialnak bia he thazaang a ka pe lengmangtu hawi dawt cheu khat hna cu hawi hlan ah an rak kal chung hna.

Cucaah fb hawile vialte hna, caan tawi te kan nun lio le hmun khat i kan um ți lio caan ah hin pakhat le pakhat i daw hna u sih law pakhat le pakhat kan zawn i ruat hna u sih. I bawm u sih law pakhat le pakhat i rem tein le nuam tein khuasa ți hna u sih.Zei kan tuah paoh ah siseh pakhat le pakhat kha ralring te le ngandam tein um i zuam mu tiah i ti u sih. Ka ngaithiam, kai lawm tuk, kan ngai kho tuk ee, kan dawt tuk tiah i ti hna u sih.

Ram kip le hmun kip um fb hawi dawt vialte hna, atu lio kan khuacaan le vawlei pulrai thli a hran lioah hin aho cațialmi hi dah a hramthawknak a si lai i, aho cațialmi hi dah zeitik caan ah a donghnak le a hnu bik a si lai ti cu ahohmanh nih kan hngal kho hna lo hi mu. Ralring tein le timhcia tein um i zuam hraam law…Nan dihlak cungah daihnak um ko seh.