Aho Poh Kan Si Ah Nu Le Pa Nih Kan Fa Le Cung Ah Zeithil Dah Kan Tuah Aharh Nak Kong.

Pawngkam minung zia an i cawn: Ngakchia hna nih mi velh an hman tawnnak hi an pawngkam minung hna ruang ah a si ṭheo. Nulepa nih an ngakchiat tein rak velh an ton tawn ruang maw asilole nu le va i velh an hmuh ruang maw, asilole mi velh a hmangmi he an i komh ruang tibantuk.

An lungthin an uk kho rih lo: Minung nih hin thinhun khawhnak, ngaihchiat khawhnak, i nuamh khawhnak, ingpuan khawhnak tibantuk emotion hi kan i chuahpimi a si, nain kha pawl uk khawhnak kha kan i chuahpimi a si lo. Kan chuah hnu tuin duhsah in uk khawhnak cu kan cawnmi a si. Cucaah ngakchia cheukhat cu an thinhun ah thil hlonh, thil hrawh asilole mi velh tibantuk an hman tawnnak a si.

An lung ummi langhter an thiam lo: Ngakchia hna hi holh leiah tampi chambaunak an ngeih caah an thinlung chung a ummi hi bia in langhter an thiam rih lo. An duhloning in thil a kal ah siseh, an thinhun ah siseh bia in an langhter thiam lo i kut thlaknak tuin an langhter ṭheo. Cun mi velh hi a ṭha lo ti zong an i fiang rih lo.

ZEITIN KAN ṬHINHTER HNA LAI? (tampi chung in 3 te ka hun langhter lai) Ngakchia hi pawngkam zia rang tukin aa cawn khomi an si caah innchungkhar ah i velhnak a um lo hi a herh. Velh a hmangmi nulepa tangah a ṭhangmi ngakchia hi velh a hmang lomi nulepa tangah a ṭhangmi ngakchia nakin velh an hmang deuh tuk. Cucu hlethlainak nih fiang tein a langhtermi a si.

Mi velh an rimnak dingah tiah velh hrimhrim hna lo ding. Kan chimmi an ngaihnak dingah kan velh hna ahcun kha ruahnak kha an i lak ve i an chimmi an hawile,nau nih an ngaihnak dingah velh an hmang ve.An duh loning in thil a kal caan ah khin mi an velh hna lo caan a tampi.

Khi caan te ah khin tampi in conglawmh colh hna ding. Mi tampi cu kan fale nih an tuah lo ding an tuah caan lawng ah kan sikcaak hna i an tuah awk a simi an tuah caan ah conglawmh kan hmang lo, mah khi a palh tukmi a si.

Kan duhmi tuah lengmang hna seh ti kan duh hna ahcun kan duhmi an tuah caan ah conglawmh hrimhrim hna ding ti a si. Upa hmanh nih thil kan tuahmi an kan conglawmh ahcun tuah chin lengmang kan duh. Cucu minung kan saikhaw kalning hrim a si.

Bia in duh lonak langhter hi kan cawnpiak hna zong a herh fawn. Na duh lomi an tuah ahcun ka duh lo, tuah hlah, na ti hna lai tibantuk. Cun an tuah chih ahcun na kaltak hna lai asilole upa/nulepa na kan chimh lai, tibantuk hna khi kan cawnpiak hna a herh.

Cun mi velh a ṭhat lonak (tahchunnak ah kan velh hna ahcun an taksa a fak, hmailei ah an kan kom duh lai lo tibantuk) zong khi an ngakciat tein kan chimh hna a herh.

Note: Mi velh a hmang cangmi hna hi an i ṭhinh dingin kan cawnpiak hna tikah chikkhat te ah an ṭhinh colh lai lo. A thla, a kum zong a rau kho. Asinain an hun upat deuh cun an ṭhinh ko lai. Lungtawi in A ṭhinh hlei lo i tiah kan ngol a si ahcun an upat pi tiang an ṭhinh thai lai lo i thil poi ngantuk zong an tuah kho.

Cucaah lungsau tein chimhcawnpiak hi i zuam ko hna usih. A har tuk ko lai, nain cawnpiak lo tu khi hmailei ah a har te deuh ding a si.

Thawng dang, Kalay peng chung Yazagyo khua ah a ummi U Than Aung cu SAC ralhrang sinah thawngpeng a pek ruangah April 16 zanlei sml 5:00 ah khan Natchaung lampi ah cycle a mongh nakah mizei hngalhlomi phu nih meithal in an kah that.

U Than Aung cu an kahnak hmunah a thi colh lo caah sizung ah an kalpi i, zaan sml 10:00 ah a thi tiah theih a si.Amah cu SAC ralhrang ralkap nih nawlngeihnak an laak hnuah daiziar tein lamzawhnak a um tik paoh ah hman a thlak hna hnuah ralhrang sinah thawngpang a petu zong a si.

Cucaah SAC ralhrang ralkap sinah thawngpang pe ti lo dingin khua chung mino hna nih amah inn ah lengin bia an ruah nain a duh lo caah buainak tiang a rak chuak bal.

Hmailei Ahcun Pyidawtha Khua Chungah Kahdohnak Chuahter Ti Lo Dingin Pyidawtha Khua Chung Pastor Fonhmi Phu Nih An Nawl,Kalay peng chung Pyidawtha khua chung pastor kip fonhmi phu nih hmailei ahcun khua chungah kahdohnak chuahter lo dingin an nawl tiah kan theih.

Pyidawtha Churches Ministers Fellowship phu ah Rev. Pastor 14 nih April 15 ah khan tonbiaruahnak an ngeih hnuah biachahnak an tuah i, April 16 ah cathanh an chuah hi a si.April 13 ah khan Pyidawtha khua chung le pawngkam ah.

SAC ralhrang ralkap le tualchung hriamtlaitu hna karkah ah kahdohnak a chuah ruangah khuami nu pakhat nunnak a liam pinah a vapa zong hliam a tuar tiah kan theih.Cu bantukin tonbiaruahnak le biachahnak an ngeihmi 9 chungin a biapi cemmi cu.

Pyidawtha khua chung lampi ah ahohmanh lamkham lo ding, hmailei ahcun Pyidawtha khua cu raldohnak hmunah tuah in kahdohnak tuah lo ding, raldohnak he pehtlaiin hmunhma laaknak zongah hmanti lo dingin upatnak he kan in nawl hna tiah cathanh an chuah.

Pyidawtha kahdohnak ah PDF 4 nunnak a liam pinah a dang 6 nih hliam an tuar tiah kan theih.

Thawng dang, Innchungkhar dirh hi a fawi temi ah ruah a si nain a taktak ah cun thil fawimi a rak si lo.Curuangah nupi pasal na ngeih hlan ah atanglei kan langhtermi hna hi thatein rak i ruahcia dih a herh.

Fangeih kong: Nupi  pasal ngeihhlanah fangeih duh le duh lo kong i chimhruah ta ding.Fangeih duh asi hmanhah azat tiangin rak i ceihcia ding.Cun vanchiat thil ah nu asi lo pa maw fa ngei kho lo dirhmunin umsual ah teh zeitluk tiang dah nu le va kan um ti lai timi pawl tiangin rak i ruah ti cia ding a si.

Chawva kong: Phaisa tel lo ngaingai cun khuasaknak ah a harsa.Nan i thitumh hlanah teh zeitluk tiangin dah phaisa nan kawl ti.Hmunkhat nan van um ti tikah teh zeitindah phaisa nan hman ning sila,Nan chungkhar caah teh zeitindah phaisa kan kawl ning sila timi tiangin.

teh timhlamhnak nan ngei maw3.Nan i duhdawtnak hna teh adih kho te sual hnga maw,Tu na tlangval, nungak he Khan van i thium ulaw teh,nangmah nih na duhdawt bantuk tein thihhlan lo an duhdaw vemi a si kho lai maw.

Pakhat le pakhat cungah teh diriamnak taktak nan hmu kho veve lai maw Sau a deih lomi duhdawtnak hna nan rak ngei ziar maw hi vialte tiangin rak ruah cia dihah a tha.4.Kaphnih chungkhar kong: Nan i thitumh a siah cun chungkhar pahnih a ngeitu nan si veve.

Nan nupi chungkhat na pasal chungkhat pawl ai tluk tein nan chawnhbiak veve hna a hau cang.Khatlei lawng dawt tibantuk phunin nan umah cun a poi ngaingai lai.Cubantuk vialte hna cu rualrem tein nan kalpi dih a hau lai.

Khatlei chungkhar nan i ngamh cia maw,I thit-umh hnu nak in thitumh hlanah khatlei khatlei chungkhar kong rak theihcia kha a poinak a um lo.Cutiang cun teh na ruat cia rengreng maw Cubantuk zong ruat lem loin dah nupi  pasal a thi menmi na rak si.Rak ruah cia a herh dihmi lawngte an si.

Zeipaoh Sungh a hauh caanah teh na sungngam taktak lai maw, Nan i duh lioah nangmah caah cun zeipaoh ka ngamh dih.Ka nunnak zong ka pekngam na ti tikah,nupi  pasal na van ngei i a takram na van phak tikah teh na biakam mi hna pawl cu na tuahngam taktak lai maw.

Na biakam mi vialte cu na tuah caan an hungphan te lai.Na sinak dihlak,na khuaruahnak le lungput, Na ngeih lomi tiangin na sungh caan phan sehlaw teh na tlinh kho taktak lai maw.Nan chungmuril biathli thup nan i thei ve ve maw.

Nan pahnihin nan i umh hlanah nan sining hlun,na thinlungput le ziaza, nan sining dihlakin i chimruahnak nan ngei kho veve maw.Cubantukin nan i chimruahnak nih cun pakhat le pakhat i theihthiamnak a chuahpi i a tha taktak. Cu bantuk cun teh ai chimh ruah mi nan si kho maw8.

Pathian samhrisih nan si taktak maw,Zeitlukhmanhin i duhdaw ko ulaw Pathian samhrisih nan si loah cun sau a deih kho hlei lai lo.Curuangah tar tiangin nu le va nan sikhawh ding le sikhawh lo ding kha theihkhawh cia i zuam uh.