Aho Poh Nih Meithal Tlaih Khawh A Si Cang Tiah Theih Ter Nak A Van Tuah Colh.

Russia le Ukraine tukdohnak nihnih nak ah Ukraine khualipi Kiev chaklei ah Russia raltuknak tank an phanhnak nih social media ah cul. Cun, Kiev chaklei kap ah cun Civil mi le ralkap uniform ai hrukmi karlak ah kahdohnak a chuah lio video zong hmuh khawh a si i Russia ralkap pawl cu Kyiv khuapi sangchung hna ah an rak lut cang, tiah Ukraine Defense Ministry nih a fehter.Ukraine President Zelensky nih cun khoika hmanh ka zaam lai lo, kiev ah ka um peng ko lai, tiah a chim. Kyiv khua ah Russia ralkap an phanh cang caah Ukraine mipi nih kum rikhiah um loin Russia ral va doh ve duhmi poh i tel khawh a si i meithal an kan in pek hna lai, tiah Twitter in mizapi thawng an thanh hna.

Hi kum rikhiah umlo in kan ti tik ah kum tling lo cu kan ti mi a silo, Upa lei khi kan ti mi cu a si; kum 60 tiang kan cohlan hna, tiah Ukraine Defense Ministry nih a thanh. Media cheukhat nih cun Ukraine Cozah nih mizapi 18,000 leng meithal an phawt cang hna, tiah an langhter ve.Ralkap thazaang in Ukraine a kaptu Russia President Putin Cozah zuamcawh in Anonymous Hacker phu nih ‘Cyber War’ a van chuah colh ve.

Anonymous Hacker phu nihcun Russia cozah Cyber War a thanhnak cu zahan (february 24) ah an Twitter ah an tar i ” Anonymous Hacker Phu nih Russia Cozah cu Cyber in kan tuk ve cang hna” tiah an taar in suimilam cheu hrawng a rauh ah Russia Cozah a dirkamh biktu kan thahpiak khawh hna, tiah an van thanh colh. Credit: The Chin Post.

Be the first to comment

Leave a Reply

Your email address will not be published.