Aman Afak Taktak Mi Ngapi Luak (Whale Vomit) Cu Myanmar In Mizoram Ah  Zuarding Mi Cu An Tlaih

India ram Northeast (Nichuah Chak lei) Manipur ah Tamu Burma kan si tiah aa ti mi hna sin in Mizoram ah pek ding in Whale Vomit Ngapi Luak cu an tlaih tiah theih asi, atu lio cu tangka hmuhnak riantuan ding atlawm tuk caah, hi ruangah hin cu hlan ah kan theih bal bak lo mi Ngapi Luak tiang in Mizoram mipi hna nih Sumdawn nak ah an hmangcang tiah hmuh khawh asi tiah Mizoram thawngla tu ngan asi mi pakhat nih cun achim.

Cun atu ah an tlaih mi hna pahni  hna hi an karlak ah Manipur mi pakhat Burma ramri hrawng ah aum mi nih cun lam avan piak hrim ko hna lai tiah lunghrinh nak ngeih asi. Pacawmnak ah sumdawng mi kan si ko zongah hin Cozah nih a sian lomi sumdawn nak hi hi cu hrialhram hna uhsih law, mipi caah atha hmen mi le santlai mi thil hin sumdawn kan tuah piak ko uh zapi aw an cu an langhter chih.

Ngapi Luak hi 2019 lio ah khan Thairam ah ngatlai pawl nih an rak hmuh hi aman afak taktak, cu lio ah an ra hmuh mi cu £500,000 leng asi lai tiah an rak zumh. Ngapi luak hi zei caah dah hi tluk in aman afah ti ah cun, Zihmui manfak pawl khi arim sau pi deihding in chiahkhawh nak dinghna ah an hman, cun thildang pawl zong saupi deih in chiah khawh nak ah an hman hna. Cun ramcheukhat ah cun sii ai caah an hman ve fon. Tha Han News