Amen AMen, Thong Ttha Taktak Si Cang.Lt.Gen-A Si Mi Anu Cu Ralkap Kah Nak In A Nun Nak A Liam Ai.

Min Aung Hlaing le aparty hna cu nikhat hnu nikhat in an liam thluahmah ko cang tinak si cang. Min Aung Hlaing hruaimi Ralkap pawl nih Mipi Meithal in an kah hna nak ah an Ralbawi pakhat hringtu a nu an khen sual tiah Khit Thit Media nih a langhter.

Gen-Min Aung Hlaing tthit hruaimi Ralkap hna nih Mipi Meithal in an kah hna nak ah an Ralbawi pakhat hringtu a nu an khen sual tiah Khit Thit Media nih a langhter.Hi thil hi nizaan March 20, 2021 zaan ah a cang mi thil a si tiah Khit Thit Media nih cun a langhter.

Magwe ramthen, Kankaw khuapi chung ah Ralkap pawl nih Khuachung mipi hna cu Meithal in an kah hna,Inn pawl zong Meithal in an kah chih ruang ah inn chung ah a um ko mi Pitar pakhat cu Meithal kuanfang in an khen hi a si.
An kah mi nu hi Daw Ung Myain a si. Daw Ung Myain hi Ralkap nih Hluttaw palai ah an tlah tawn mi, Ralkap palai Duh-Buhmu-choh Zaw Htun i hringtu anu a si tiah an chim.

Zaan khuami ka hrawng a si caah leng zong a chuak mi a si lo. Ralkap pawl nih Khuachung mipi hna lau hna seh tiah Meithal an puah, minung umnak inn pawl Meithal in an kah nak ah Ralbawi rengsang bak a simi Hringtu a nu lehlam an khen sual hi asi. A hliamhma cu fah ngai dawh a si, nain a nunnak cu a liam rih hraw lo tiah an chim.

Hi bantuk in kawl Ralkap Bawi rengsang taktak pakhat a simi Hringtu a nu tiang Meithal kuanfang nih a khen tikah Khuami pawl cu an lungawi ngai, misual pawl tuah sernak tha lo cu an mah cung ah a tlung tiah an chim len cio.

Credit : Khit Thit Media

Be the first to comment

Leave a Reply

Your email address will not be published.


*