America Journalist Danny Fenster Nih Alu  Chin Sente Aphawih Sianglonak Kong Achim

American journalist pakhat si mi Danny Fenster cu ralhrang phu nih thong kum-11 thlak dingin biakhiahnak a tuah tiah a sihni simi U Tan Zaw Awng nih fehternak an rak  tuah. American journalist pakhat si mi Danny Fenster cu hramhram nawlngeihnak la tu ralhrang phu hna tazacuai nak zung(court)nih thong kum 11 thlak ding in bia anrak khiah.

November 12, ni ah ralhrang phu hna taza cuainak zung nih kum-11 thong thlak ding in biakhiahnak a tuah hi a si. American journalist pakhat asi mi Danny Fenster hi tiin thongthlak ding taza an cuai nak aruang cu ram muichiat tertu, visa zulhphung buarnak, hramhram dohnak u-pa-di, phungninglo phu hna he pehtlaihnak a tuah ti in ralhrang phu hna nih taza an cuainak hi a si.

Hi an tlaih chung vialte cu Myanmar ramchung in thongin minthan Insein thong ah an thlak i, thong thlak ding ni aphak lai te ah thong inn in an chuah. Cun zeitik hmanh ah kawlram chung lutkho ti lo ding in an tuah. Danny Fenster nih hin Myanmar thonginn in chuah mi airport in vanlawng chung in US ram aphanh tiah alu chin asen mi te cu phawih bal lo tein aa chin pen. Hi luchin sente aachin peng nak aruang cu Insein thong atlak lio i khankhat chung um tti mi ahawipa nih apek mi asi caah cu ahawipa philhlonak le Myanmar ramchung i arian tuan tti hawi philhlonak caah aachin peng mi asi tiah theih asi.

Kawlram chung vialte ah motorcycle monghnak kong he pehtlaoh in rikhiah mi cu SAC nih an thanh cang, hi rikhiah mi azul lomi paoh cu meithal in kah nan si lai tiah SAC hruaitu le riantuan tu hna nih thawngthanh nak an tuah I loudspeaker in khuachung zongah an au hna.

Yangon khualipi ah cun cycle citnak  nawl hrimhrim an pe ti hna lo I, acit mi paoh an tlaih cang hna cun Mandalay, Sagian, Mageway telh in Cycle aa cit mi antam nak pengkip le ramkulh kip an cycle cit ri khiah nak kong he petlai in ralhrang hna nih thawng thanh nak an chuah chih tiah theih asi.

Cycle mongh le cit ri khiah ning cu atang lei bantukin an langter  Cycle pakhat ah Pa pa2 in cit lo ding,  cu nu nih a hmai in mongh in ahnu lei in pa ii cit lo ding, asi nain pa nih mongh in ahnu lei ah nu thut tu cu onh asi. Cun nu pa 2 I cit tti zong onh asi. Hi bantuk in rikhiah mi  phun 4 in SAC ralhrang hna nih cun thawng an thanh.

Hi bantuk in SAC nih Cycle cit rikhia mi an thanh mi cu November15 in ni17 tiang hi theihter nak chung asi lai i hi hnu cun zeihmanh biahal nak zong um ti lo in meithal in kahcolh nan si cang lai tiah SAC ralhrang hna nih thawng thanh nak an tuah.

PDF, CDF hna hi ralhrang hna nih an tei kho ti hna lo tik le khuapi deuh ahcun khuachung I an sakhan acawng tu hna cu ambush an tuah lengmang hna ruangah hin atu bantuk in cycle cit zulhphung an chuah hi asi, cun mipi kilveng tu ralkap hna hi cycle in khuachungah an luh ngam hna hlahseh ti hi an biapi bik in an i timh bik mi asi tiah min langhter lo mi pakhat nih cun achim.

Be the first to comment

Leave a Reply

Your email address will not be published.


*