An Chung Muru Alang

An Chung Muru Alang

Tutan SAC ralhrang uktu hna nih political activists minung 4 hrithlai in Insein Thong ah an thah mi hna hi cu innkang mei kha ti cawk khat va toih bantuk asi. Politician an si lo zia le an si khawh lo tuk zia kha an mual an i phoh cikcek asi. Hi ruang ah mipi nih kan țih hlei hna lai lo, kan fih chin chin hna lai i Asean le lengin akan cuantu ram vialte zong nih mimolh cozah pei an si ko hi ti an theih chin chin ve hna lai caah va komh hna nak in hrial an țha deuh lai an ti ve cang hna lai.

Kawl ralkap (Myanma Țatmadaw) cu Kawlram politics kong ah hmaisuang ah biapi kan si zungzal lai tiah phunghrampi tiang ser in an tlangau mi cu an si khawh lo zia, mi thah le mi nawn lawngin ai tel kho ding an si zia cu chim hau lo, hal len (question) hau loin an mah tein aphi (Answer) an i pek khi asi.Cucaah hi Myanma Țatmadaw hi cu ramvengtu ralkap an si lo, ramhrawktu, mifir lainawng an si cu afian tuk cang ko caah tei hlan lo doh ding, tei hnu hmanh ah an ci pakhat-hnih te ataang sual lai tiah kum saupi arauh zong ah a pelpawi tiang in thianh hrimhrim ding an si.

Ralhrang nih kan thah khawh hna ti an i ruah nain Hri in zungzal nung ding in an thlai hna tu arak si. An mah tu an thlai mi hri nih a awh hna khi an i theih rih lo.  Victor Khen Sang

Thih dan pek mi minung pali ca lungfah langhternak a si tiah an thanh Nihin July 25 zaanlei sang in Kalay khua chung hmun tampi ah bomb kan puah tiah Operation MoMo (Teammomo) nih an langhter. Puahkehnak thawng cu zaanlei sang in theih hram thawk a si i, minutes dan in voi tampi a puak.Cu puahkehnak cu Operation MoMo (Teammomo) nih an tuah mi a si i nihin ah thih dan pek le thah a tong mi Ko Jimmy, Ko Phyo Zayar Thaw, Ko Hla Myo Aung le Ko Thura Zaw hna ca lungfah langhternak ah an puah mi a si tiah theih a si.

Nihin ah phung ning lo in thah a tong mi pali ca lungfah langhternak a si. Mi an thah ruang ah a tih ding minung ah kan i tel lo. Kan ral a chia lo ti kan langhternak a si. Pehtlai in kan doh rih hna lai, tiah Operation MoMo (Teammomo) chungtel pakhat nih a chim.

Tu zaan puahkehnak thawng ruang ah Mi damlo le kum upa tar pawl ngaihthiam kan in hal hna,’ tiah nawlnak zong an tuah. (Ref: Voice of Kalay)

Insein Thonginn Gate Cu YGRF Hriamtlai Phu Nih An Kah Yangon ramṭhen, Insein thonginn gate cu nihin July 25, zaan suimilam 7:00 hrawng ah kan kah tiah Yangon Ghost Ranger Force (Y.G.R.F.) phu in ṭuanvo ngeitu Sanay nih a chim.

Insein thonginn gate cu Yangon Ghost Ranger Foce (Y.G.R.F) nih kan kah i, SAC ralkap nih thih-dan pek in thah a tongmi hna kong ah lung tlinlonak langhter in kan tuahmi a si. Hliam tuarmi an um le um lo cu fiang in theih a si rih lo, kanmah lei cu hliam tuar um lo in hnu kan tolh kho, tiah tualchung hriamtlai phu in ṭuanvo ngeitu Sanay nih a chim.

SAC Nih Hrithlai In A Thah Mi 4 Hna Kong Ah UNA Nih Cathanh A Chuah!: SAC nih U Phyo Zeyar Thaw(ဦးဖြိုးဇေယိာသော်), U Jimmy, U Hla Myo Aung le U Aung Thura Zaw(ဦးအောင်သူရဇော်) hrithlai in an thah mi hna cu phunglam he aa kalh mi le minung cung zaangfah ngeihlonak a si, tiah Tlangcung Party 13 nih faak ngai in sual a phawtnak kong cu United Nationalites Alliance (UNA) nih cathanh a chuahNay Win chan lio zong ah Salai Tin Maung Oo kha hri an rak thai. Atu zong ah cu bantuk ṭhiam. Kan ram tuanbia hi vawlei cung ah ningzak a si. Lungthin khat tein i ceihmaiṭi ṭhan ding a fawi ti lo. Hi nakin a zual chin lai, tiah UNA in chimphuannak nawlngeitu le Arakan League for Democracy secretary a tuan mi U Myo Kyaw(ဦးမျိုးကျော်) nih a chim.

SAC nih hrithlai in dantatnak an pek mi cu a dik lo mi biachahnak a si i, uknak latu SAC nih mizapi cung ah phung a buar mi pakhat bantuk in cinken a si lai, tiah an cathanh ah an langhter. UNA ahhin Shan National League for Democracy( SNLD), Arakan League for Democracy (ALD), Zomi Congress for Democracy(ZCD), Shan State Kokang Democratic Party(SSKDP), Kayan National Party(KNP), Kachin National Congress party(KNC), Shan-Ni Solidairty Party(SNSP), Danu National Democracy Party(DNDP), Khumi(Khumi) National Party(KNP), Mro(မြို) National Democracy Party(MNDP) le Dinet People’s Development Party(DPDP) hna an i tel.Japan Ram, Tokyo Khuapi Mizapi Chuak Khawm Mi Nih Duhlonak An Langhter: Japan ram ah um mi Myanmar mi hna nih, Tokyo khuapi i ummi International Committee of the Red Cross(ICRC) zung hmai ah Ko Jimmy, Ko Zeyar Thaw, Ko Aung Thura Zaw le Ko Hla Myo hna hrithlai in thah an ton mi kong ah an lungfahnak langhter in, SAC ralkap cung ah dantatnak pek an duhnak cu nihin July 25 ah an langhter.

 

SAC nih ramkhel kong ah thongtla mi pawl cu phung ning lo in dan an tat hna ruangah SAC cu dantatnak tuah piqk ve in, nuhrin covo an buar mi vialte cung zong ah dantatnak tuah i, ramkhel thongtla pawl faak tuk in an hrem hna ruangah a rannak in hmalak tuah ding in ICRC cu an hal, tiah theih a si.