An Chungkhar Anupi Le A Fale Hmai Bakah Ralhrang Nih An Thah

  Khuami caah thah nak tampi atuah tu tiah amin alang vemi Sianginn Uk Ko Phowe Htun cu October ni 10 zan ah ralhrang hna nih amah I achungkhar hna hmai ahrem I anthah. Zantim hrawng ah Chohmyoh I hram abunh mi ralhrang Kha-Lah-Yah 31 mi le Kuweipin khua I aum mi palek hna bawm in minung 20 hrawng nih an inn ah an luh hnawh hna I Ko Phowe Htun le Unau 3 hna cu an chungkhar hna hmai ah sml 1 chung hrawng an hrem hna tiah khuami hna nih an chim.

Cu zanah cun Ko Phowe Htun hi fak tatak in a authawng cu khuami dihlak nih an theih dih, min langhter lo mi asianghngakchia pakhat nih achim ka sayapa ahrem tu hi minung 7 an si a inn chungah an luh hnawh in akulh I an meithal an phahnat in sml.1 chung hrawng an tuk. Cu hnu ah a aw achuak kho ti loh acawl khawh ti lo ah khin ralhrang pawl nih cun tlawmpal an ngol.

Hi lio ah hin mipi vengtu ralkap PDF pawl adirhkamh tu nan si tiah an ti hna I anau le pa 2 zong fak tatka in an hrem ve hna I an kal pi dih hna. An chungkhar hna nih ralhrang pawl cu ton an timh hna nain an ton ter duh hna lo. November ni 1 ahkhan Ko Phowe Htun Cu siizung ah athi cang I aruak cu mei in kan khangh I aruh vutcam cu chungkhar sinah an pek hna.

ASi nain Ko Phowe Htun I a nu nih cun ka fa le hi ka hmaikaa I an hrem hna ah khan an cang  ko, cu caah cun Ko Phowe Htun I anu pi hi a tu hi alung zong adik kho ti lo tiang in atuar hi asi ko atiah khuami hna sinah achim. Ko Phowe Htun I anu pi hi atu ah cun a um ningcang I aamah ningkel asi ti lo, min langhter lo mi pakhat niha chim nak cun an nu hi tuanah khan cun bia chim tuk loh. Nikhat ah kaa 10 hrawng lawng hi achim.

Asi nain an pa athi tiah an ti hna hnu hin thirphang in aum acan ah bia chim, acan ah attap, anii, bantuk in aum cang. Asin ah an sianghngakchia hna kan kal bantuk ahkhin amah ningkel te alo nain minutes 5 hnu ahkhin cun attap a au lengmang, cun ka pasal cu pasaltha hero asi ati I ani than I bia hi aduh salam in achim.

Ko Phowe Htun hi fa 3 a ngei mi asi I a tu ah hin anupi nih afate hi tha tein zoh athei lo, Khuami hna nih hin an ngaihchiat kan va hnemh hna lai tiah kan kal zong ah hin an nu alung adik ti lo mi le afa le pathum awlok chong in an um mi kan hmuh mi hna nih hin lung nuam lo tuk in an kan tuah tiah khuami nih cun an chim cio.

Ko Phowe Htun hi mizia tha mi zaidam asi I dik nak fak piin attanh ve mi asi, cun 2008 phunghram pi hi Chapter 12 ning in byheart in azah dih. Cun khuampi ca lawng si lo in peng chung ca hrim hrim ah remdaih nak atuah mi hi atam tuk. Cun ramkhel lei azuam mi asi I atheih mi zong akau cu ruang ah ralhrang hna nih hin hramhram bak in an tuah mi asi ko atu bantuk minung an thah hi cu khuam mi ca lawng si lo in rampi ca hrim hrim ah ui aum tuk aho hmanh nih a ai an rawlh khawh ti lo ding mi asi. Ko Phowe Htun Siang uk tu asi ko nain amah nih man lo tein sianghngakchia ca achim tu pakhat zong asi ve.

Be the first to comment

Leave a Reply

Your email address will not be published.