Anlung Atthawng Zohchun An Tlak Bak An Si

Sagaing ramthen Pale peng chung khua pakhat ah SAC ralhrang ralkap duhlonak langhternak lamzawhnak ahcun Pale khuapi chungum lamzawhnak committee hruaitu pakhat nih a fonh hna i, cuticun Febuary 11 chun ah lamzawhnak an ngei tiah theih a si.

Pale khuapi ahcun SAC ralhrang nih rampi dohthlenhnak ah a teltu hna nih an tih nakhnga le an thazaang a der khawh nakhnga tiah minung umnak inn (1000) lengkai cu mei an khangh nain Pale mipi hna nih pehzulh in SAC ralhrang ralkap ralchanhnak le duhlonak lamzawhnak cu an tuah thiamthiam. Ralhrang nih hin kan tihhna seh ti in inlhang lawng si loin rinhcan mi hruaitu le PDF he aa pehtlai mi hna cu an tlaih hna an hrem hna an thah hna asi nain cu hna nih cun an thloh kho hle hna loh. Lam zawh nak le ralhrang uk duhlo nak cu an langhter rih ko.

Cu bantukin lamzawhnak an tuahnak ahcun kan khua le inn lawng mei nan khangh khawh lai, kan thinlung le vawlei cu zeitik hmanhah mei nan khangh kho lai lo tiah tialmi catlap hna i ken chih i SAC ralhrang ralkap duhlonak langhternak caah lamzawhnak an tuah. Ralhrang nih hin anlung dong seh an tuaser nak vialte nih an thaazor ter hlei lo. Atu dothlen nak cu kan tei hrim hrim ko lai. Source: Zalen

Be the first to comment

Leave a Reply

Your email address will not be published.