Apoi Tuk E: Ralkap Kum 7 A Um Hnu Ah Naite Ah Khan CDM Atuah Mipa Cu An Chungte In SAC Ralhrang Nih An Tlaih Hna

Hakha, Rungtlang hrambuh, Tatzin(266) ah Sergeant Rank a simi Ralkap CDM a tuah mi Hin Lian Pian hringtu anu le pum tlamtling lo a simi a far le pahnih, kum(10) lawng a si rih mi a tunu telh in minung (5) hna cu nihin ah ralhrang nih an tlaih hna tiah kan theih.

Nihin October 11, 2021 zaanlei suimilam 2:00PM ah khan SAC ralhrang nih an rak thlaih hna hi a si, an tlaih mi hna ah hin University siangngakchia a simi a tunu le pum tlamtling lo a simi a far le pahnih tiang in an kal pi hna hi asi.

Hi kong he pehtlai in an chim ning ahcun, Kalaymyo lei in a rak kai mi SAC ralhrang pawl cu Falam peng, Zawnglen khua ah rak phak ah, Sergeant Hin Lian Pian hringtu anu le inn ah an rak luh pah. Cun a chungkhar an inn ah a um mi cu an dihlak in an tlaih hna hi asi” tiah an chim.

Sergeant Hin Lian Pian hi Hakha hrambunh Tatzin (266) ah Sergeant rank in a um mi a si nain kan hnu ah khan CDM a tuah ve cang mi asi. A nu le chungkhar hi cu Falam peng, Zawnglen khua ah a um mi an si.

An tlaih mi hna pawl cu, Sergeant Hin Lian Pian hringtu a nu Pi Kham Din (kum 60), pum tlamtling lo asimi a fale pahnih Pi Zing Tin Zam (kum 50), Pi Sian Uk Ting (kum 38), atu nu a simi Sai Lian Sian (kum 10) le atu nu University siangngakchia a simi Van Nei Sian (kum 20) hna an si. 

Sergeant Hin Lian Pian hi ralkap ah kum(7) chung a um cang mi, an mah ralkap office ah cazi lei a tlaih piak tu hna a si tiah an chim.  

Pale pengkulh PDF pawl i bawm in SAC ralhrang pawl Bomb an puah hnawh hna i SAC ralhrang bawi (ဗျူဟာမှူး) telh in ralhrang 30 an thi tiah theih asi.

Nihin October 11, 2021 ah Sagaing ramthen, Pale pengkulh a um mi PDF pawl i bawm in SAC ralhrang cu voi (30) tiang Bomb an puah hnawh hna i cu ahcun Ralhrang lutlai pakhat telh in 30 leng an thih hi a si tiah Pale PDF nih cathanh an chuah mi ah an langhter.

Zinglei suimilam 8:00AM hrawng ah Ralhrangbawi (ဗျူဟာမှူး) telh in Ralhrang pawl cu Kyauksalin lei ah an kal timi thawngpang an theih bak in Pale People Defense Force (PPDF) tatsaih phu(4) an i fonh i lampi in an phomh colh hna hi asi. PDF lei hi minung (34) hrawng an si i cu ahcun Ralhrang lutlai (ဗျူဟာမှူး) aa cit mi motor cu Bomb an puah hnawh ruang ah a rawk dih ti a si fawn.

Khuami pawl an chim nak ah cun Ralhrang a thimi minung(5) hi cu an thihnak hmun ahcun an phom ta hna i a dang ruak pawl le an ralbawibik a simi ဗျူဟာမှူး ruak cu an kal pi ti asi.

Cu lawng si loin zinglei suimilam 9:40 AM hrawng ah Naga tlangthluan hnu lei khuate ah a kal mi ralhrang pawl cu PPDF pawl nih cun an phomh than hna, cu zong ah cun SAC ralhrang lei ceilak an thi tthan ti asi fawn. Cun zaanlei suimilam 3:00PM hranwg ah khan SAC ralhrang a thimi ruak pawl a phor cuahmah mi Motor zong PPDF phu pawl nih Bomb voi(18) bak in an phomh than hna, cu ahcun SAC ralhrang lei (20) hranwg an thi than ti a si.

Nihin ah pehtlai in hmunthum hranwg, suimilam caan naih nawn tete in PPDF lei nih an phomh hna hi a si i cu ahcun SAC ralhrang lei (30) leng an thih hi asi.

Be the first to comment

Leave a Reply

Your email address will not be published.