Apoi Tuk Hringhran ee : Ralhrang Nih Ram Pasalttha An Kan Thahpiak Tthan ee!

A poi taktak si. Mino te simi Kyaw Swar Phyo (kum 25) cu mipi vengtu ralkap le kawl ralkap an i kahnak ah a thi RIP. Mah lio ah hin Kawl Ralkap lei in Ralbawi Colnel pakhat a thi ve fawn. A tnaglei ah tling deuh in van rel.

Sagaing Ramthen, Kne (Kani) Peng Chindwin tiva pawng ah Khuami Rungvengtu Ralkap le SAC ralkap an i kap i khuami Mg. Kyaw Swar Phyo (kum 25) a thi, SAC ralbawi Colnel pakhat a thi.

Credit : The Hakha Times

Tampatwaddy khuabawi U Aung Moe thah a si ning le konglam tlawmpal thawngpang fiang kan van langhter. U Aung Moe hi ralhrangbu nih rian an khinh mi pa nih rian a phuah hnuah a rak kai mi a si tiah theih a si A tanglei bantuk hin a si.

Mandalay, Chyanmyatthasin, Tampatwaddy khuabawi U Aung Moe cu tuzing april ni 6 suimilam 11 hrawng ah Nam in an sawh i a thi tiah mit in a hmuh mi hna nih an chim..

“Mino pahnih nih Motor Cycle a cit lio an dawi i No. 4 BEPS Sianginn hmai ah Nam he hmun tampi ah an sawh. Chanchuahtu pawl sinah a rak kan chawnh caah Private motor he Siizungah an tlik pi nain chanh hmanh a si ti lo” tiah chanchuahtu chungtel pakhat nih a chim.

Thil a cannak pawng um mi CCTV hna cu Palek le rallokap pawl nih an chek lio, Mandalay hmun kip ah Bomb puah thawng zong kan theih cuahmah tiah theih a si. U Aung Moe hi ralhrangbu nih rian an khinh mi pa nih rian a phuah hnuah a rak kai mi a si tiah theih a si.

Be the first to comment

Leave a Reply

Your email address will not be published.


*