April Ni 14 Ah Ruah Le Thlichia Tam Tuk Ca Ah Ralzam Kan Unau Hna Cu Har Nak Fak Tuk In,

April 14 zaan ah thli le ruah a fah ruang ah Shan ramkulh thlanglei Maukme peng Kadugyi hmunhma ah ummi ralzaam camp a rawk tiah rian ngei tu pakhat sin in theih a si.

Hi ralzaam camp ah cun chungkhar 40 fai le minung 100 tluk an i dor i chikhat caan caah phungki sianginn ah an i thial chung tiah Pa-O National Liberation Organization, Army PNLO-PNLA health department in Bohmu Khun Myint Aung nih a chim.

Ruah cu zaanlei Sml 3:30 in Sml 5:30 tiang, Sml 2:00 chung fak ngai in sur i rial a tlak pin ah thli a hrang tuk tiah ralzaam hna sin in theih a si.Cu hmunhma cu NLO control Land pakhat a si i Loikaw hmunhma ah a ummi SAC ralkap nih rallam an sial caah a tu ban tuk in mipi an rak zaam nak hi a si.

Ralzaam an i dornak chungkhuh muka a tam deuh cu thli le ruah ruang ah an rawk caah cawk than ding le sakhan sak than ding hi a fawi lo tiah theih a si.Ralzaam camp sak than kawh nak ding caah bawmhnak pek a duh mi hna nih PNLO zong ah pehtlaih khawh a si tiah theih a si.

Relchap Duhmi le dawtmi na ngeih ve lo ruangah na nun cu nuam lo ngai in le lungnuam lo ngai hna in na rak um sual maw A taktak tiah cun duhmi le dawtmi maw siloah nupi pasal ngei cangmi hna nih an lungretheinak le an i nuamh lonak na theih lo caah a si kha.

A ngaingai kan tiah cun koppi a ngeimi cangmi hna nak in a ngei rih lomi hi tam tukin na thinlung ai nuam deuh.Vawlei cung mithiam hna nih an chim ningah cun a taktak kan tiah cun darling a ngeimi hna nakin a ngei ve lomi nu pa khi ruahawk an ngeih ve lo caah a let tam tukin a thinlung ai nuam i,an ngandamnak zong a tha tiah an hmuh khawh.

Kum 18 in kum 64 karlak minung 1300 sinah an hmuh chuahmi cu kum note in pasal kan ngeihah cun ruah dingmi le tuahding mi, buaipi dingmi atamtuk ruangah kan tar zong afawituk tiah an rakchim.Innchungkhar adirh cangmile duhmi,dawtmi a ngei cangmi hna le a ngei ve lomi hna pahnih cu an ngandnak an check veve hna i zalawng tein amah tein a ummi Nu pa cu an ngan damnak ai thlau taktak ti a si.

Innchungkhar dirh cangmi hna cu tuahding ruah ding a tam tuk cang caah an mah le mah hmanh hi tha tein i Zohkhenhnak caan an ngei kho ti lo.Inn chungkhar kongah zeihmanh lungretheih ding le ruah ding a ngei ve lomi hna cu an mah takpum bak kha tha tein an i zoh khenh khawh caah an ngandamnak a rak tha deuh hrimhrim.

Duhmi le darling zong ngei ve lomi cu zeidang kong chim lo zong ah mithi in Biakinn ti bantuk tete ah temtawn tu ngei loin zalawng tein an chuaklang kho i an i hman khawh caah thangthat zong an tong.

Innchungkhar ngei le darling ngei pawl cu hawikom he zong duhningin caan pek khawh a si ve ti lo.Darling ngei ve lomi hna cu an mah thinlung duhning tein an hawi he zong an um ti kho i an duhmi thil paoh zalawng tein an tuah kho an um khawh caah an thinlung ai nuam i an ngandamnak caah a rak tha deuh ngaingai.Innchungkhar he si cang hnuah cun cucu cawk a hau tiban tuk tete a tam cang Innchungkhar ngei ve lomi hna cu midang ruah ding an um lo i,an duhmi an ei,an ding,an duhmi thil an cawk pinah leiba ngei lo tein an nung kho.

An ngeihmi an mah tein an hman an tuak tan i,zeipaoh kha anmah ca asi caah i todelhnak zong an ngei kho colh i nuam tein an um caah an ngandamnak zong a rak tha deuh hrimhrim.