April Thla In Min Aung Hlaing Le A Party Hna Cu, Zei Hmanh Tuah Khawh Lo In,An Hram In Phongh Dih An Si Cang Lai.

Thaaizing in an thawk cang lai mi Nation Unity Goverment nih cun, Min Aung Hlaing Le a party hna cu, zei hmanh tuah khawh lo dingin le ,rian ttuan khawh lo ding in,CRPH nih cun, tuah dih a timh cang tiah theih a si. A ruang cu,Hi ralkap hna cu vawlei cung ramkip le mipi hna nih co hlan lo mi le pawm lo mi an si i, (Terrorists) ralhrang bantuk an si caah asi .

Cu ti i an cawlcangh khawh lo nak dingah cun, point (4) in tuah an ni timh hna tiah theih asi. (1) Nak ah cun, ramchung mipi nih (Tax)chiah kan pek tawn mi hi hau hmanh nih pek tilo ding in asi.(2) Nak ah cun,ramdang lei in tangka a rak luh nak hi, phih kham piak an si cang. ram dang in a rak luh nak cu,Thailand le Singapore in a si i, cu ram hna cu, CRPH hna nih cun, kawl Ralkap hna kut ah tangka rak pe tilo ding in an chimh dih cang hna.

(3) Nak ah cun, Vawlei cung i Bank ngan bik World Bank zawng CRPH nih an chimh dih cang hna i, a tu-ah World Bank nih a phih cawlh cang hna.Hi bantuk in CRPH nih an tuah nak hna hi, Ralkap cu mipi nih kan pawm lo mi,Terrorists) ralhrang hna an si caah,cu ralhrang hna kut ah cun,tangka rak pek lo sing in an chimh nak cu asi.

(4) nak ah cun, Electric billle metre book man hi hau hmanh nih pek tilo dingin a si lai i, cu lengah cun, zinan le gas chiah kan pek tawn mi zawng hau hmanh nih pek ti lo ding si cang lai.Hi hna kan tuah dih ah cun, Tangka lo cun,zei rian hmanh ttuan khawh silo caah, ralkap hna cu, an tlu dih ko cang lai.

A si nain,ralkap nih cun, tangka sernak kan ngei tiah an ruah i cu cu an ni bochan men lai. Tangka sernak hi,a caku le a thilri vialte hna cu Germany nih a rak pek tawn mi si caah,cu Germany in an rak pek nak company zawng cu CRPH nih an chimh dih cang hna ,pek tilo dingin germany nih cun biakamh nak a tuah cang.Germany hi kawlram ralkap uk nak a duh lo tuk mi ram pakhat a si ve.

Cun adang pakhat cu, ralkap nih hin, tangka ser nak hi an mah kut ah a um caah, tangka (ttuh) tampi in an rak ser lai i, cucu mipi sinah pawt zamh an ni timh lai.sihmanhsehlaw CRPH nih cun, cu tangka ttuh cu,a number in an lak lai i, mipi sinah hi bantuk tangka hi hau hmanh nih lak lo ding,a ttuh a si tiah thong an thanh lai i, ralkap hna cu an dih ko cang lai ti si.

Credit : Chin online

Be the first to comment

Leave a Reply

Your email address will not be published.


*