Arakan Army-AA-Hna Nih Cun, Mipi Hna Cu, Hramhram In, Titoih Puai Cu Tuah Ter An Timh Hna Ca Ah, Nipi Cu Lung Re Thei In.

Chin ramkulh, Paletwa peng khua hna cu Arakan Army-AA-nih titoih puai tuah ding in hramhram in an fial hna tiah tualchung mi nih an chim, SAC ralkap an luhchuahnak khuate cheukhat ah Rakhine ralkap AA hruainak in titoih puai an tuahter hna tiah theih a si.

Laam an cawnter hna nak zong March thla in a si cang, kannih khua cu titoih puai kan tuah ballo, Hramhram in an kan tuah ter, kanmah umnak lei ah SAC ralkap zong tampi an um caah zeitik ah ral a thawhlai tiin thinphang in kan um tiah tualchung mi pakhat nih a chim.

Laam cawnternak ah bia-el a si ahcun dan-tatnak a si tiah a chimchap.
Khuachung ah SAC ralkap nih hmat-pung-tin le khualtlung cazin zong an chek peng tiah theih a si.

Paletwa peng chaklei ahcun SAC ralkap le Chin ralkap kahdohnak a fah caah, SAC ralkap hna nih a luancia March 18 in phone line an thah tiah theih a si.

Chin ramkulh Paletwah ah SAC ralkap nih hramhram nawlngeihnak an lak hlan ah AA le SAC ralkap kahdohnak a chuak nain, SAC ralkap nih nawlngeihnak an lak hnu ah cun AA le SAC ralkap kar i kahnak cu a dai i, SAC ralkap le Chin ralkap kar kahdohnak tu a chuak.

Thawng dang relchap. Kalay in meng 15 hrawng a hlatnak ah a ummi Natchaung khua cu nihin April 11 zing slm 8:00 thok in SAC ralkap nih an khangh tthan tiah tualchung mi pakhat sin in, minlangter duh loh mi sin in tjawng cu kan theih.

Kan khua hi nizaan April 10 zaanlei slm 5 hrawng ah SAC ralkap nih voikhat an khangh cang i Inn 7 a ciam, Tuzing slm 8:00 thok in SAC ralkap nih an khangh tthan, a tutiang a kang peng korih, Natchaung khua cung van cu meikhu nak pipi in a khat, SAC ralkap mawtaw 39 nih kan khua an hrawk cuahmah tiah Natchaung kkhuami pakhat nih a chim.

SAC ralkap pawl Natchaung khua in thlanglei Tayakung le chaklei Yangyi aung khua hna ah umhmun an khuar i ramlak ah ral kan zamnak thla thum tluk asi cang caah eidin le sii-ai kan chanbau ngai tiah khuami pakhat nih a chim.

April 8 ah thazang 80 hrawng a simi SAC ralkap pawl cu Ayadaw peng Shoihkha khua zing sml 4:30am ah hriamngan kah pah in khua chungah an lut i mipi 1 an thah leng ah mipi inn 30 leng mei in an khanghpiak hna.

SNAKE EYES-PDF, PDF-Shwebo, ALPHA-7, Daungman phu, PyungShwin phu Depeyin, Shwebo peng phukomh 2, Ayadaw mipi hriamtlai phu hna fonh in SAC ralkap cu Zuatazua-Baungkya khua tiang an dawi hna i an kah hna caah SAC ralkap 7 an thi i 15 nih hliamhma an tuar tiah C&T SHWEBO phu nih an thanh.

Cun, Sagaing ramṭhen, Chaung U peng ah April 5 zaan sml 10:00pm ah Pakokku in Mandalay lei ah a chuakmi SAC ralkap phu 7 aa telmi mawṭaw cu Chaung U mipi hriamtlai phu nih bom an puah hnawh hna caah ann-sa-tone mawṭaw hrap khatlei a rawk. Bom puah hnawh ruangah a thimi cazin theih a si lo tiah PDF-Chaung U nih a thanh.Crd: The Chin Post.

Cun, April 7 zinglei 2:30am ah Mandalay in Monywa lei ah SAC ralkap pawl an i citnak Express mawṭaw 2 le mawṭaw a hmemi 4 cu Chaung U le Myaung mipi hriamtlai phu hna nih bom an puah hnawh hna caah mawṭaw 3 a khen i a thimi an tam tiah PDF-Chaung U nih a thanh.

April 7 zing sml 7:30am ah bom a thianh liomi SAC ralkap phu cu PDF-Chaung U le Immortal Guerilla Force nih bom an puah hnawh hna caah SAC ralkap 7 an thi tiah PDF-Chaung U nih a thanh.