Asean Ram Hruai Tu Pahnih Cu Min Aung Hlaing Nih Myanamar Ram Ah Rak Tlawng Ding In A Sawm Cang Hna.

Kawl ram Ral bawi Min Aung Hlaing he tonbiaruahnak ngei dingin atulio ASEAN Chairman le ASEAN General Secretary cu hmaizarh chungah Myanmar ah an tlawng lai tiah South Korea i Arirang News nih a chim.ASEAN hruaitu pahnih Myanmar ah tlawn an i timhnak cu Myanmar ah a cang cuahmahmi thil kha an mit hrimhrim in hmuh an duh ca le rambuai tuahremhnak kongah ralbawizik Min Aung Hlaing he tonbiaruahnak ngeih dingah a si tiah Arirang nih cun a thanh.

April 24, Indonesia khuapi Jakarta i ASEAN meeting biachahmi 5 kha a tak in pehzulh le tuanchuah dingah zatlangbu tampi nih an aupi lioah atu bantukin ASEAN hruaitu pahnih cu Myanmar ah tlawn an i timhnak a si.Jakarta biachahnak 5 hna cu hramhram sersatnak ngol ding, cabuai cung biaruahnak in remdaihnak hawl ding, Myanmar buainak kongah ASEAN nih palai chiah ding, ASEAN nih Myanmar mipi bawmhnak pek onh ding le Myanmar ah ASEAN palai bu thlah ding hna hi an si.

Min Aung Hlaing nih cun ASEAN biachahnak hi kan upat lai i kan zulh ko lai tiah a chim lo. Ramchungah daihnak a um tik lawngah ASEAN biachahnak le ruahnak pekmi hi kan tuaktan lai tiah April thla dih lei ah a chim.Hi bantuk in a sawm tthan hna tuk ah hin ruah len awk tampi a um.Zei poh cu sisehlaw, Hi bantuk in Min Aung Hlaing nih a sawm tik hna cun a ttha leiin thil cu a her rem ko cang lai tiin mipi nih cun zumh a si. #Arirang News

Credit : The Chin Post

Be the first to comment

Leave a Reply

Your email address will not be published.


*