ASEAN Summit Meeting Dr. Sasa Nih A Hmuh Ning.Nang Zei Tin Na Ruah/Hmuh Ning?

ASEAN meeting kong ah Dr. Sasa nih a hmuh ning le ruah ning pawl a langhter. April 24,2021 ni ah Kawlram kong ah ASEAN ram hruaitu hna meeting an tuah. Asean meeting ah lungtlinnak phun 5 an ngeih mi kong ah NUG ramleng pehtlaihnak vuamci a simi Dr. Sasa nih a ruah ning le hmuh ning a tang lei bantuk in a langter.

Asean nih Kawlram kong meeting ah lungtlinnak an tuah mi pawl cu lunglawmh awk ngaingai a si. Hi bantuk hi NUG zong nih kan halmi hna a si.Indonesia President cung ah siseh, Malaysia Prime Minister cung ah siseh lunglawmhnak tampi kan ngei. Asean hruaitu hna nih an lungtlinnak tuah mi pawl hi tuan chuah kho hram hna seh tiah Dr. Sasa nih a chim.

April 24,2021 Asean meeting ah Kawlram kong an ceihkhan mi ahhin lungtlinnak thil phun 5 an tuah khawh. Cucu Kawl ralkap zong nih an cohlan khawh tiah theih a si. Lungtlinnak phun 5 an tuah mi hna cu mahhi an si. Ralkap nih tlaih vialte thlah dih ding, dai tein sandah piah mi cung ah ralkap nih thahrum hman lo ding, vawlei cung harnak tongmi hna bawmtu Kawlram ah zalong tein luh ter ding ti si.

Kawlram kong hlathlai tu ah Asean hruaitu phu thlah ding, Asean nih Kawlram kong ah ruahnak cheuh mi le a lamkip in bawmhmi cohlan ding pawl an si hna.April 24,2021 zing ah Min Aung Hlaing cu Asean meeting kai ding in Nay Pyi Taw in zing sml 6:00 ah ai thawh i zing sml 9:00 ah Indonesia ram Jakarta khuapi a phan. Tlamtling tein meeting a tuah dih hnu ah zanlei ah Nay Pyi Taw ah a kir than.

Kawlram cu ralkap nih uknak an lak hnu ah sualnak ngei lo mipi minung 800 deng ralkap nih an thah cang hna. Minung thong tampi hliam an tuar i thong an tla. Rammi ting leng nih inn lo chuahtak in an zam hna. Source: MJohn

Be the first to comment

Leave a Reply

Your email address will not be published.


*