Atu Hi Mipi Vengtu,Pasaltha Hna Le, Sac Ralhrang Hna Cu, An I Kapcuahmah Lio A Si Ca Ah,Teinak An Hmuh Nak Hnga Thlacam In Bawm Cio Hna U Si.

Atu lio hi Kalaymyo thlang lei ah ral thawngpang a linsat tuk ruangah Gangaw-Kalay lamthluan cu nihin April 9 thok in zarhkhat chung mawṭaw i chokvai lo ding in ralrin kan in pek hna, tiah PDF Kalay nih mizapi sin theihternak an chuah.

Pasaltha hna nih, mipi sin ah, thawngthenh bang in mipi hna zong nih an chim mi cu, zulh hrimhrim hram hna uh sih,mah ti thawng an thanh cang ko nain, a chawk vak mi hna nih cun harsatnak kan tawnthawh mi a si benruk in, mipi hna nih ralring tein um hram hna uh si law.

Relchap,Kalay peng, khua pakhat bomb puahnak ah pafa hna cu bomb nih a hliamh hna i, a fanu nunnak a liam pinah a pa zong hliam a tuar, tiah kan theih. Cu bomb puahnak ṭhiam ah cun CDF KKG ralkap pakhat zong a nunnak a liam, tiah theih a si. Hi bomb puahnak he pehtlai in CDF KKG nih thawngthanhnak an tuah rih lo.

Kalaymyo, Tahan sang 10 nak zawnah a ummi U Cin Za Lian le Daw Duan Suan Man i fapa Lian Khua Sian kum 23 cu April 8 zanlei sml 5:00 hrawngah cycle in sii cawk a kalmi cu nihin ni tiang a rak tlung rih lo caah a chungkhar lungrethei in an um.

Dawtmi Ule nau hna, aho poh nan si ah, rak kan bawmhram ve ko uh law tiah zangfah kan in nawl ko hna e, a raktin lo nak hi a sau cang ca ah, zangfah te in, kan bawm ve cio ko uh law tiang zangfah kan in nawl ko hna e.

Cycle cu, Canda a si. Amah hi Tidim peng Sezam khua in Tahan ah an rak i thialnak hi kum 2 lawng a rau.Nan hmuh ahcun a tanglei ah hin kan chim hram te u.=09 896989046=09259208617=Crd: The Federal Times.