Atu Lioah Ralhrang Nih Chin Mi Lungrual Lo Dingah An Hman Bik Mi Hi Ralring Cio Hna U Sih

 Chin miphun nih kan hmanmi media tampi chungah ttih a nung ngaimi ralkap lei ttang tampi an lut cang.Laica ,Chinca in heh tiah ca an tial cuahmah cang. Kan miphun ralkap a simi CNA,CDF soiselnak le thazaang dernak lawngte an chim,an tial cuahmah cang.

Cun kan miphun ralkap le mipi kan lung aa rual khawh lonak ding lam a phunphun an kawl cuahmah lio a si. Kan upat ngaimi le kan i bochan ngaimi hna zong kha kan i ralrin bak hna an hau. Kan ralkap pawl hi mino an si,minung an si caah tlamtlin lonak tampi an ngei lai.A caan ahcun zuu din in zuu zong an rit caan a um ko lai. Kan ralkap an si ruangah zuu ding hna hlah seh,rii hna hlah seh ti cu kan duh dih nain a si kho lomi a si . Atu lio caan cu kan miphun ning in kan thawh lio caan a si caah zu ding pa,misual tiah kan ruahmi pa zong kha kan ralpa dohnak ahcun a thawh ve ko.

Cucaah chimh ngai lomi tampi an um tik zongah mipi nih kan ruahthiam hna a hau.Ramdang in kan miphun caah phaisa a thomi tampi lak zongah zuding sa ei,mihuaha lo an tampi ko lai tiah ka ruah.Zei catiah a tu caan cu kan miphun kan ram dihlak in kan thawh lio caan a si caah kan i ruahthiam a haumi a si.A tulio i kan ralkap CNA/CDF zeirellonak a chim tukmi le kan ralkap le mipi karlak ah remlonak a chim/tialmi cu dalaan bantuk an si.Tamtuk an chiatnak kan chim ahcun an lung kan donghter sual hna lai ti phan a um ngai.A zeisihmanh ah a tulio caan te hi cu thazaang van i pe ko rih hna usih.Kan tei ding le kan sungh ding cu Pathian lawng nih a theihmi a si.Kan tei bal lai lo,ral doh ding a si lo,cu e kha e tiphun in biachim a hmangmi poh cu kan i ralrin awk an si. MAH duhning le uar ngaimi lungput a si caah mipi thachiatnak le kan ralkap hna thachiatnak biachim i sum hram hna usih.

Be the first to comment

Leave a Reply

Your email address will not be published.