Aung Su Kyi Le Rangoon Chief Minster Phyu Min Thein Bia Thli Hi A Poi Tuk Ttung.

A Poi taktak! Ralkaap nih Aung San Suu Kyi le U Phyu Min Thein biathli an phuan. Nihin March 11 ah National Administrative Council (NAC) nih thangpanglatu hna hmaiah Press Conference a ngei i Vote dik lo kongkau siseh, CMD kongkau le thil dangdang chim fiannak an tuah. Thil tampi chimmi an ngei.

Ralkap biaphuangtu Brig.General Zaw Min Tun nih,’NLD Chairman Daw Aung San Suu Kyi nih Cozah hruaitu a si lioah Chief Minister pakhat sinin phungning loin US $600,000 le sui a hmuh,’ tiah a chim.

“February 1 i Rampi ruahnak petu Daw Aung San Suu Kyi le President U Win Myint hna an umnak (inn) ah tlaih an si hnuah thil sining theihnak ah tiin Union Minister cheukhat pawl, Chief Minister cheukhat hna le Cozah Ministry/Department ṭuanvo ngeitu cheukhat hna cu biaruahnak an ngeih hna.

“Pakhat chingchang in biaruahnak an ngeih hna i Yangon Chief Ministry ṭhing U Phyu Min Thein nih rampi ruahnak petu Daw Aung San Suu Kyi he an ipehtaihnak kong a chim i bia dik a si hnga tiin voi tampi an hal ṭhan i cu i a chimmi cu 2017 December thok khan 2018 March hrawnghrang ahkhan amah hrimhrim nih Daw Aung San Suu Kyi cu US $600,000 le sui cuai 7 a peknak kong,” a chim.

Daw Khin Kyi Foundation kongkau zong a chim i ramleng NGO, Company le pumpak in bawmhnak an hmuh i ram 13 sinin Dollar 7.9 leng an hmuh i Dollar 6.8 an hman cang i 1 billion a tang rih. Ramchung in 36 billion an hmuh/ngeih i 30 billion an hman i a tangmi 6 billion hrawg a um rih. Ramchung NGO phunghrampi ningin tangka chawva hi an hmang maw tiin an zoh/ngiat cuahmah lio a si. Source: The Strait Times, MRTV

Be the first to comment

Leave a Reply

Your email address will not be published.