Aungsan Suu Kyi Nih Mipi Sinah Biacah A Chiahtak Mi Rel Ah Cun NgeihChia Tuk Hringhran .

Myanmar ram Ruahnakpetu Daw Aung San Suu Kyi le President U Win Myint tel in NLD upa cheukhat cu February 1 zinglei ah an tlaih hna i Ralkap nih Uknak (Aa-naa) an laak hlan deuh ah Daw Aung San Suu Kyi nih zapi sin ah biacah a tial taak.
Hi biacah a tial mi chung ah Myanmar ram Ralkap nih atu bantuk in thil an tuah than mi hi zapi nih cohlan awk a tha lo. Myanmar ram Democracy lei kan kal cuahmah lio ah ralkap uknak tang ah chiah than a timh mi hi cohlan awk a that lo ca ah zapi nih hi an thil tuah mi cu kan dohkalh hrimhrim a herh, tiah biacah a tial tiah BBC Palai nih cun a chim.

Ralkap nih hi bantukin anaa anting mi hi,cawp cirh in an tuah mi silo i,hlan liopi in,timhlamhnak an rak tuah cang mi a si i,hihi mipi nih kan zoh sawhsawh hna ding asi tilo tiin a chim mi cu asi.Atu i anaa anting mi zawng hi,USDP party pawl he pehtlaihnak an ngeih cia mi asi i,ralkap pawl nih an mah duhnak lawngin an tuah mi asi lo tiin a chimchap.

Ca tialtu zumhnak :Kawlram Cozah NLD nih rampi tthanchonak ca i,fakpi in ani zuam lio lengmangah hi bantukin ralkap nih,nawl ngeihnak an rak chuhtthan mi hna hi cu,a poituk hringhran ko.ralkap nih kum 60 renglo akan uk cang i,zeibantuk tthanchonak dah kan hmuh ti cu,Mipi nih chim hau loin kan theih dih cio mi asi tikah,mipi lei zawng nih fakpi in ruah le tuaktan zawng hau cang mi pakhat cu asi ve.

Federal Democracy taktak kan hmuhkhawhnak dingah cun,thisen luan hi a hau men taktak te ko lai dah.kawlram chung a um mi tlangcung mi vialte hna lungrual tein ttangtti hna uh sihlaw,thil pakhatkhat cu kan tuah ve hau cang mi asi i,a tu hi,Federal Democracy kan hmuhnak ca i, lam ttha le Caan ttha kan ngeih lio caan zawng asi kho mi asi cang ti hi catialtu Zumhnak le ruahnak asi.

Be the first to comment

Leave a Reply

Your email address will not be published.