Australia Ah Working VISA In Kawlrammi Luh Khawh Si Maw?

Naihrawng mi tampi nih nan ka hal lengmagn mi Working Holiday Visa le Work and Holiday VISA kong a tawinak in ka van tial. Working Visa hi a tlangpi in phun hnih a um, cucu Working and Holiday (Sub.462) le Working Holiday Visa (sub. 417) an si (Hihi Visit Visa tang ah a chiah mi a si i, Work and Skills Visa ah telhchih mi a si lo). Tulio kan ram buaibai hnu in Rangoon ah Chin mino a thong nih an sok i zeitin na hmuh ning a si, tiah a ka hal mi nan tam caah theih khawh tawk mual ka van langhter.

Working and Holiday (Sub.462) le Working Holiday Visa (Sub.417) Cu Zeidah An Si?

Hi Sub.462 le Sub.417 hi ai khat mi an si. Sinain a herh mi le a sok kho mi (Requirements and eligible persons) ah dannak tete an ngei. Working Holiday Visa (Subclass 417) hi First Working Holiday Visa (Sub.417), Second Working Holiday Visa (Sub.417) le Third Working Holiday Visa (Sub.417), ti’n a voikhatnak, voihnihnak le voithumnak ti’n, ai khat bak mi VISA kha voithum sok khawh mi VISA a si. Cu bantuk thiamthiam in Work and Holiday Visa (Sub. 462) zong hi voithum tiang sok khawh mi a si ve. Voithum sok khawh ka tinak cu, a voikhatnak VISA a dih in a voihnihnak, cun a voithumnak, ti’n Australia phak hnu VISA a dih hlan ah sok khawh an si caah si. Kum rikhiah (18-35) a ngei mi VISA an si i pin ah, ram rikhiah a ngei mi VISA an si. A tanglei hi anmahle VISA ning in zoh ulaw:

Subclass 417 VISA, Hi VISA a sok kho mi ram hna cu

*Belgium• Canada• Republic of Cyprus• Denmark• Estonia• Finland• France• Germany• Hong Kong Special Administrative Region of the People’s Republic of China • Republic of Ireland• Italy• Japan• Republic of Korea• Malta• Netherlands• Norway• Sweden• Taiwan • The United Kingdom of Great Britain le Northern Ireland an si.

Zei Pawl Dah Herh (Requirements)

Thlarin tangka (show money) $5,000 tang tumlo ngeih a hau.

Sub.462 bantukin fimcawnnak, thiamnak le English thiam a herh lem lo. Adang documents (ca-herhhai) cu atang ah a dihlak huap in ka langhter. Work and Holiday Visa (Sub.462)Hi VISA in cun a tanglei ram hna Passports a tlaih mi nih sok khawh a si.

*Argentina• Austria• Chile• China, People’s Republic of• Czech Republic• Ecuador• Greece• Hungary• Indonesia• Israel• Luxembourg• Malaysia• Peru• Poland• Portugal• San Marino• Singapore• Slovak Republic• Slovenia• Spain• Switzerland• Thailand• Turkey• Uruguay• United States of America• Vietnam

Zei Pawl Dah Herh (Requirements)

*Sub. 462 VISA ah cun a niam bik Diploma Degree ngeih a hau.*English Level tahfung an hman mi tluk tal thiam a hau fawn. *Hi pin ah Acozah theihpinak ca (Letter of Support ) ngeihchih a herh. *Passport (Khuaktlawnnak)*Birth Certificate *Household Registration*National Identity Card*Health Examination*Biometric*Characteristic 80 Form

Note: Ca-herhhai (documents) cu English in tial mi an dih lai siloah na lehter (notary) a herh lai. Zeizat A Dih Lai? Nikum nakin a kai deuh. Working Holiday (WHV) le Work and Holiday VISA voikhat soknak ah AUD 495 a dih lai. A dih mi hi Voikhatnak, Voihnihnak le Voithumnak ai khat dih.

Kawlram Mi Caah Lam A Um Maw?

A cung ah kan langhter cang bantukin, Working Holiday VISA le Work and Holiday VISA hi Kawlram mi ca ah a on bal mi VISA a si lo. Hihi mi tampi nih kan hngal thiam lo i naite ah ASEAN ram 10 ca ah a on thar mi VISA he kan cawh, kan rel lengmang. Naite a on thar mi cu Agriculture VISA hi atu April 2022 lawng in fiangfai deuh in an thanh khawh. Cu hlan ahcun zei bantuk VISA (subclass) tang ah dah an chiah lai hmanh an fianh lo, atu ceo ah Subclass 403 in an thanh (caan um cun hmailei ah ka rak peh te lai). Sinain bia chokvai tam tuk ruangah Kawlram mi luh khawhnak VISA a si bal lo mi VISA kan Chin mino tam tuk nih nan sok i tangka tam tampi dih in Rangoon ah kum khat fai a hngak cang mi nan um ti theih cu, nan dih lioheu mi ruahchih cun thil poi ngaite a si. Fiangfai in mah nih hlathlai khawh mi thil a si lo mi tangka tampi dih in va tuah hi, pingpang suk a fawi tuk. Credit: Carson Twin Twin