Awi Hna Seh,Kawlram Ai Awh In A dir Mi UN Palai Nih Kawlram Ralkap Le Police Hna Cu Ceih Lakin Warning A Pek Cang Hna.

Myanmar Sandah piahnak cu khua ruah harbak in a linsa ko cang . Nunnak tiang a liam mi zong an um. cun ai hliam mi zong an tampi an um ti theih a si cang. Hi vial te hna hi Palek nih, Meithal le Ti methal in an kah hna ruang ah an nunnak hna a liam mi an si, harnak le fahnak hma hna zong an tawng len cang. Sandah a piah mi cung ah mah ti hin Palek nih fahnak an pek hna caah UN nih a zoh sawhsawh ti lo i Kawl Ralkap cawlcangh mi hna cu Warning faktuk in a pek cang hna

Myanmar aiawh in UN ah a dir mi Ola almgren nih cun, nihin ah Kawlram Palek hna nih Sandah a piah mi pawl an tuah to hna ning a hmuh tikah, “nan cawlcangh ning hi kan cohlang kho lai lo” tiah warning a pek. A chim duh bik mi cu Sandah a piah mi pawl Ti in an kah hna le an thawnnak rinh in mipi an fahter mi hna kha a chim duh bik mi cu a si.Hi bantuk in duh lonak a langhter tu hna hi, UN nih cun zoh sawhsawh ai tim ti hna lo.

A chim rih mi cu, Ram chung i Mipi hna hi an duh nak za long tein zulh ter hna uh, An duh nak langhter nak Freedom an ngeih mi hin kham hna hlah uh tiah Ralkap le Palek cu a phomh chap hna.UN nih daihnak he a bia tuin Kawl Ralkap Hruaitu hna nih Mipi duhnak cu co hlang dingin a bia tein an chawnh lio lengmang rih ko hna i ,an ngeih duh lo siah cun,UN phungning in Action (hremnak) pek an si cang lai.

Source: The Hindustan Times

Be the first to comment

Leave a Reply

Your email address will not be published.