Bawmh Nak Phaisa Hi CNF Sin Ah Pe Ti Lo In CNA Sin Ah Kan Pe Cang U.By CNA Ralbawi

Hikonglam he pehtlaih in tlawnpal te vun chap ka duh mi cu,ani le thla/kum cu fiang tein ka thei tilo nain Australia i a um Lai mipa pakhat nih a rak chimnak ka rak theih bal cang. Australia um mi lai mi nih harsatuk in kan thawh mi tangka,ting zeimazat cu a hmang tu ding,CNA kut ah a phan lo i, khawika dah a um ti le, tu hnu zawngah CNA hi kuat duh hna uh sihlaw,khawika dah kan kuat lai tiin bia halnak a rak tuah bal cang nain,CNF lei in a lehnak a rak um ti lo i poi ngaingai.

Mah hihi dikmi asi maw, CNF nih mipi sinah rak kan fianh Uh.CNF bawmhnak hi pe ti loin CNA lawng hi kan bawm cang uh. CNA cu meithal kan i tlaih i ramlak ah miphun le ram kan dirkamh lio ah CNF pawl cu hotel man fakfak ah an riak, motor thatha an i cit, CNA zawn zeitik hmanh an ruat lo. Chinland Club i thawhmi vialte CNA kut ah a phanmi 30% a tling bal lo. CNA nu le ngakchia zohnak ah tiah Australia i nan fund vialte CNA ralkap sin ah a phanmi hi nan thawhmi chungin 30% a phan lo.

CNF upa pawl nih an ei an ei hnu i cabuai tang i a tlami tete lawng kha CNA sin ah an kan phawt sawhsawh mite a si. Atu zong CNA pawl cu thirle phang lengmang in ramlak ah kan um lio ah CNF kan pa le chungin Sui Khar te pawl, Htet Ni te pawl cu Hakha, Thanlang, Kalay, Aizawl ah motor thatha in hotel thatha ah an riak i Kawlram ralkap he i sinpi ngai in anmah tang tein an i chok lengmang ko.

USA ah CNF upa pawl cu meeting tuahnak ah vanlawng thatha an i cit, rawl thawthaw an i dang, Kan nih CNA pawl cu rawl ei awk hmanh kan ngei ti lo. CNA kan ngeih a chia tuk ti hi rak kan theih piak uh. Cucaah Kawl ralkap dohnak ah nan tangka hi thawhmi hi CNF ah pe ti loin direct in CNA sin ah kan kuat cang uh law tiah kan in nawl hna.

Cun CNF an hruaitu pawl hna zawng hi an ralkap hna pongkam ah hin um tam deuh hna sehlaw ttha lai dah.Meeting kan tuah ti i,USA tibantuk le Canada,Norway tibantuk ah va tuah kha a herh tuk mi ah ka ruat lo.phaisa tamtuk a dih lengah caan khawh ralnak men men asi ko. kan pongkam ah hmun tamtuk a um ko.NCA min thut hnu hawi hna ah khan cun zei hmanh ttih nung tuk mi a um lem tilo .

Crd: Minchim duh lomi CNA ralbawi pakhat.

Be the first to comment

Leave a Reply

Your email address will not be published.


*