Bawwsiang Police Zung Cu,A Chung I Rian Ttuan Tu Hna Nih An Tlik Tak Dih.A Ruang Cu?

Bawsaing Palik zung ah riantuantu pawl an zam dih. Shan ramkulh thlanglei Kalaw peng, Bawsaing ah ummi Police zung ah riantuantu pawl cu May 23 zan ah an zam dih tiah theih a si. police zung chungah Inn pawl le Police zung pawngkam ah a um mi hna minung pakhat hmanh ding an um lo. Police zung Innka zong an khar tiah tuzing ah thawng theih a si.

Shan le Kaya ramri Moebe Police zung cu May 23 ah hriamtlai le PDF nih an rak luh hnawh i Police minung 20 an thi, minung 4 an tleih hna tiah theih a si.Khuaruahar A Nung Pathian. Minung hi puicimhnak, zawttlaknak le vansannak nih a kan tlunh tikah, kanmah nakin a thawng deuh mi, a si kho deuh mi le thil ti kho deuh mi a fuhpanh mi kan si.

Nihin vawlei ah biaknak 4,200 fai a umnak zong hi tihphannak in a chuak mi an si. Phundang in kan chim ahcun, Biaknak kan timi cu minung nakin a thawng deuhmi a um ti zumh i amah biak le thang`hat kha a si. A fawinak in Pathian le pathian a um ti zumhnak, biaknak le thangthat kha a si. Laiphung biaknak Khuahrum biaknak zong kha tihphannak ruangah an rak biak mi a si. Tihphannak in kan biak cu, an that lo tuk ruangah si lem loin, kanmah nakin thil ti kho, a thawng deuh mi le nawlngeitu an si ca tu ah a si.

Kanmahle biaknak hoih ning cio in thil ti khawhnak ngeitu, nawlngeitu le chanhchuahtu pathian/Pathian cu kan biak cio hna i ngatchannak hram vialte kan thlak dih. Sinain kan bochan tukmi, kan i ngatchat tuk mi Pathian/pathian nih vansang in kan um lio, puicimhnak le zawtfahnak, zawttlak, ngaihchiatnak kan ton lio caan i kan aunak a kan leh lo tikah biaknak kaltak a fawite, a kaltak cang mi zong rel cawk lo. Cucu nihin kan vawlei ah siseh, bible chung tuanbia zong ah hmuh khawh a si. Cu kong he pehtlai in tlawmpal le forhfialnak ka van com.

December, 2019 in Tuluk ram, Wuhan chuak COVID-19 nih vawleipi a denning a fah tuk caah, minung 3,405,997 an thi cang ti si. Tulio hi India ram fak tuk in a den lio si i minung 278,751 an thi cang (Worldometer tarning). India cu a temtuar ning a fak tuk i mualpho in a um. Delhi khuachung um sizung ihnak le oxygen nih a zat ti hna lo, cucaah mithi an karhnak zong a si.

Biakam Thar cauk chung zongah pathian deu sin in Pathian nung a langhnak kan hmuh. Lamkaltu (Acts) 17 chung ah Athens khuami nih “Min hngalh lo pathian/Pathian” tiah min an bunh mi a um. Bible thiamsang hna chimnak ah, Athens khua hi pulrai nih rak tlunh dawh. Cu lio ah tlangbawi (priest) ah an hman mi pa nih pulrai kian nakding ah tlangpai ah kai in nifatin raithawinak a pek i pakhat hnu pakhat an pathian min a pek i ca a tar ti si.

Pul zawtnak a thian hlei lo tikah lungdongh hnu ah tiphul thlacam rathawinak a va tuah than i zawtnak a tlau, sinain min pek ding a thei ti lo i “Theih/hngalh lo mi pathian/Pathian” tiah a tial an ti. Cucu Paul nih a char i “Hihi Jesuh a si” ti’n Khrih Thawngtha chimnak chirhchan ah a hman. Mi tampi nih hrinthannak an hmuhphah. A cung ka langhter mi hna ruah tikah, a Nung Pathian hi khuaruahhar a sinak a lang. Amah sunparnak langhter. Credit: Carson Tin Twin Oo.

Be the first to comment

Leave a Reply

Your email address will not be published.


*