beaking News : CNF/A Hruai Tu Hna Nih Lai Mi A Kan Dir Kamh Ning Hi Uar Um Tuk E.

Breaking_News CNF/A Cing Cing An Si Ko.March 1 zaanlei ah Palek le Ralkap nih Hakha mino lamzawh mi minung 23 an tlaih mi hna cu, CNF/A chimpiaknak thawng in March 2, zaanlei suimilaam 4:00 hrawng ah an thlah than hna lai, tiah kan theih. “Zahan (March 1 zaan) ah khan Chin Ramkulh Ramri lei Runvennak Minister U Han Win Aung kan chawnh i kan chimh cang.

An dundan ah suimilaam 24 hlan ah thlah phung a si ko ca ah March 2, zaanlei suimilaam 4:00 hlan ah an thlah ko hna lai,” tiah CNF in Chimphuannak Nawlngeitu Pu Htet Ni nih The Hakha Times ah a chim.Hi minung 23 chung ah an dihlak in an thlah hna lai, tiah a chim mi an um bantuk in minung 19 lawng thlah an timh hna, tiah a chim mi zong an um ve.

2021 March 1 ah Palek le Ralkap nih tlaih mi hna cazin cu;Salai Bawi Kip Sum (kum 23)-Falam Ngun Ling Mang (kum 25)- Falam, Malsawmtluang (kum 19)- Pyidawtha, Hakha, David Van Hmuh Thang (kum 24)-Chin Oo Si, Hakha, Zing Tha Tawk (kum 19), Pyidawtha, Hakha, Tial Tin Par (kum 25)-Dawrthar, Hakha, Biak Tha Par (kum 19)-Dawrhlun, Hakha, Van Ni Sui (kum 22)-Hakhathar, Biak Hnem Sung (kum 24)-Dawrhlun, Hakha

Khin Hnin Yu (kum 24) – Dawrthar, Hakha, Merry Zai Hnem Sung (kum 21) Dawrthar, Hakha, Pu Kap Cung (kum 52)- Pyidawtha, Hakha, Thawng Hlei Thang (kum 22)- Dawrthar, Hakha, Bawi Tha Thawng (kum 24)-Zokhua, Hakha Peng, Tuan Tin Peng (kum 18)- Ruadeu, Hakha Peng, Joseph (kum 18)- Ruadeu, Hakha Peng Sang Bik Lian (kum 16)- Dawrthar, Hakha, Pu Bawi Cung (kum 43)- Ruavan, Hakha Peng, U Shing Tun (kum 53)-Chin Oo Si, Hakha, Pu Sui Hnin Hmung (kum 53)- Cawbuk, Hakha, Pu Chan Uk (kum 30), Pyidawtha, Hakha, Van Cer Luai (kum 19), Pyidawtha, Hakha

Pu Peng Lian Thawng (kum 31)- Pyidawtha, Hakha hna an si. An tlaih mi hna chung ah Cozah riantuantu Vawlei Tahnak Zung in minung 1 le Meithat Zung riantuantu 1 tiin Cozah riantuantu minung 2 zong an i tel. Media riantuan mi zong an i tel, tiah kan theih.

Credit The Hakha Times

Be the first to comment

Leave a Reply

Your email address will not be published.


*