Benjamin Sum A Lar Chin Chin Ko Cang,Uar Um Bak Si.

Benjamin Sum le Summer hna i bawmin ralzaam caah sing 60 an hlut.Benjamin Sum nih YouTube a hla in a hmuhmi le Summer hna i bawmin sing 60 cu Kachin ramkulh,Kayin ramkulh,le Chin ramkulh,i ralzaam hna sinah sing 20 cio then in an hlut.

Thaizing May 18 ahcun Benjamin i Mizo Chin New Lyrics Song cu Ben YouTube Channel in Myanmar Time 7:00 pm in a chuak ding a si. Mah Youtube hla in a hmuhmi tangka hna cu Myanmar mipi caah a herh ningin bawmhchanh than ding in an i tim tiah theih a si.Bawipa nih lam hruai ko hna seh..A men.

Relchap: Ralkap Nih Uknak A Peh Rih Ko Ahcun Mipi Dihlak Nih Hriam An Tlai Cio Cang Lai!

Rallokap nih uk nak a peh rih ko ahcun mipi dihlak, pakhat hmanh tang loin hriam an tlai cio lai tiah KIA in bia chim nak nawl ngei tu Nawbu nih a chim.

A tu caan ah rallokap doh ding ah mipi hña cu an mah dang ten biaruah len in chimh len an hau lo, an mah he aa neih nak hmun cio ah rallokap do mi phu sin ah mipi lei in an mah ten i tel in an lut cio hña tiah Nawbu nih a chim.

Cu ruangah hmun kakhat, phukhat hruai nak ah rallokap uk doh nak ding caah a rak i fon mi mino pawl hi za reng lo le thong reng lo an si kho tiah Nawbu nih a chim. KIO/KIA lei in , ram chung , ram leng ah a um mi mipi dihlak he hmunkhat ah dir ti in kahdohnak ah i tel i ralhrang rallokap an tlak khawh nak ding ah kan za pi cio in kan doh lai tiah a chim.

Credit : The Chin post.

Be the first to comment

Leave a Reply

Your email address will not be published.


*