Biden Nih Cozah Nak A Lak Hnu Cun Iran Nih A Sual A Chuah Chin Lengmang Ko Cang.

Iran A Lor Chin Lengmang Cang, US Zong Zeihmanh Ah A Rel Ti Lo.The United States nih Sunday ah, 2015 Nuclear deal kongkau ah Tehran he ichonhnak ngeih dingmi in an nawr, European Union hmalaknak cu Tehran nih a hnawl ruang ah an ilawmlo ngaingai.

White House spokeswoman nih, Joint Comprehensive Plan of Action,/Iran nuclear deal kalpi peng ding ning hi P5+1 China, France, Russia, United Kingdom le midang hna he kan ruah tthan lai tiah a phuan.

The Wall Street Journal tarlangh ning ah Sunday ah Iran nih European Union hna he direct tak in Tehran le Washington hna biaruahnak a hnawlnak a ruang hi an langhter chih lo. Nain, Foreign Ministry spokesman Saeed Khatibzadeh, Iranian media ning a langhter ning ahcun “United Nations cachuah le cawlcangh ning, European Union ram 3 hna hmalaknak zoh in Iran nih Informal meeting neih a za rih lo an ti.

International Atomic Energy Agency report tarlangh ning ah, Iran nih 17.6 kilograms (38.8 pounds) of uranium enrichment an nei cang. Hi lio ahhin Israel’s Prime Minister Benjamin Netanyahu nihcun, Israel nih Iran cungah zumh ngamnak kan ngei ti lo ti lo tiah a chim. Kan hnuzarh ahkhan Joe Biden nih Syria ah, Iran-backed militias pawl bomb in a denter hna i minung 22 an thi, cucu Iran nih a soisel taktak.

Be the first to comment

Leave a Reply

Your email address will not be published.