Boruak A Linsa Tuk Ko Cang : Hakha Le Falam Ah CNF/A Lut Hna Sehlaw Ttha Hnga Maw?

Hakha le Falam ah CNF/A nan rak luh lawlaw a hau ko cang rua lai, nihin boruak a faktuk cang.Hakha le Falam ah CNF/A nan rak luh lawlaw a hau ko rua lai, nihin kan boruak a zualhma ngai ko cang. Falam zong ah mipi tlaih ding in an vak cuahmah. Hakha zong Sandah piah mibu pawl cu Mithli tlaknak Gas in an kah hna, Ti in an kah hna, an i tthenthek hnu ah a tu hi a pikpak in an tlaih hna i minung (25) leng Hakha lawng ah an tlaih cang hna.

Hakha ah Order an chuah mi: Ralkap le palik nih Hakha lamcung i aa chawkmi paoh tlaihding in nawl an chuah tiah Sayama pakhat nih thawng a kan pek. Pearl Store ah ralkap 30 hrawng an um leng ah palik 10 leng an um fawn Acheukhat cu lamkam ah an i thup. Acheukhat cu a thupmi sandah a piahmi mino tete an kawl. An tlaih hna. Cucaah, lampi ah tin lo in rak i thup cio ding in kan in sawm hna.

Atu tiang ah Ralkap le Police nih Hakha ah an tlaih mi hna minung 25 an si cang, cu chung ahcun Nu (8) an i tel ti asi. Ralkap le Police caah lam a pit chin lengmang, cu caah mipi kuthlak ding hrim an i zuam cang timi fiang tein hmuh a si. A si khawh ahcun Hakha khuapi chung a um mi cu Facebook live zong thlah rih hlah uh, Live an thlah mi in mi an kawl ti asi.

Mipi Motorcycle zong Ralkap le Police nih an lak cuahmah cang: Hakha khuachung, Bogyoke lamtlang ah chiah mi motorcycle pawl, Ralkap nih an motor cung ah an khin thluahmah.Cu bantuk in Falam khuapi zong ah Police an vak cuahmah. Ralkap le Police nih kan caah lam a um ti lo ti an theih caah an hrang chinchin cang. Kan thih le thih kan nun le nun ti in Chin mipi zong kan dir lawlaw hmanh a herh cang lai.

Ralkap le Police tlaih a tam cang ruang ah CDM zong a thazaang a der lai phan a um. Mipi kan thazaang a der lai phan a um. Tutan ah kan tei lo ahcun kan thih hlan lo kan tei ti lai lo. Cu caah thih nun ruat loin kan cawlcangh ve a hau men lai. Na ruahnak langhter khawh a si, na hawile share ve hna.

Be the first to comment

Leave a Reply

Your email address will not be published.


*