Breaking News; Bago ah Ralhrangbu nih mino innkhat pa 1 ralkap training lak ding ah nawl a chuah cang

Bago ah Ralhrangbu nih mino innkhat pa 1 ralkap training lak ding ah nawl a chuah cang
===============

Bago khua, veng hna ah Ralhrangbu nih ralkap training kai ding ah min cazin a lak i min a pe mi an tam tuk ca’h camcawhfung zuk in min an pek tiah theih a si. Training kai ding ah min cazin a tam bik a pe tu veng hna cu Uhtar Myothit(ဥဿာမြို့သစ်) veng (4,5) le Hpaungtaw U(ဖောင်တော်ဦ:) veng hna an si tiah theih a si.

” Mah veng hna cu Dalan a tam bik an um i Buesawhti phun hna an um. Mipi sawh sawh cu chim lo an mah kai nak ding hmanh ah camcawhfung an zuk” tiah khuami pa 1 nih a chim. Veng cheukhat hna ah cun veng uktu bawi nih innchungkhar cazin hna an tuah ter i copy cu an kholh pin ah mino cazin hna an kholh tiah theih a si.

“Hpaaungtaw U veng (8,9) hna ah innchungkhar cazin an kan tuah ter. Copy zong an kan hal. Cu hnu ah veng chung a um mi inn chung mino hna cazin hna cu an kholh. Veng chung mino hna cu Ralhrangbu training ah hram hram in an kal ter hna lai tiah kan thin a phang tiah Hpaungtaw U veng chung a um mi mi pa 1 nih a chim.

Veng pa 1 ah Training kai ding a tlam bik mi pa 10 in 40 tiang ralhrnagbu nih nawl an chuah i inn ah a um mi pa mino hna training an kai kho lo ah cun tangka 1500 in 2000 MMK pek a si tiah theih a si.

” A ho mipi hmanh kan kai lai lo. A kai ding mi cu Dalan le Buesawhti phu an si. A tu kholh ding mi phaisa hi Training kai nak ei le din man ca’h mah cu kan mah nih pek a si lai i kan cohlan kho lo. An mah nih mipi cu an thah than lai” tiah Veng-2 in mi pa 1 nih a chim.

Ralhrangbu an training cu Bago khua ah a um mi Brigade-77 ah kai ding a si. Training kai caan cu ni 10 a si lai i thlahlawh caah thlakhat 150,000 MMK pek a si lai i training a dih ah cun ralram hmai ah kuat a si lai tiah Brigade he an naih mi hna sin in theih a si i Mizzima nih cun fehternak a tuah kho rih lo. Crd. Mizzima

Be the first to comment

Leave a Reply

Your email address will not be published.


*