Breaking News: Bomb Puah Sualnak in Salai Bawi Za Ceu a Nunnak a Liam

Nihin July 5 ah Thantlang peng ralram hmun khat ah bomb puah sualnak in CDF-Thantlang ralkap Salai Bawi Za Ceu a nunnak a liam, tiah thawng kan theih. Bomb an tonghthammi nih minung pahnih a puah hnawh hna i Salai Bawi Za Ceu hi a hmun ah a nunnak a liam. A dang pakhat hliamhma a pu, tiah kan theih.

CDF- Thantlang Commander in Chief asimi Salai Cung Hlei Thawng le hnuzul a PSO Salai Bawi Za Ceu cu an bomb an sermi nih a puah hnawh hna caah faak ngai in an ihliam. Salai Bawi Za Ceu a nunnak liam colh i, CC zong aa hliammi a zual ngai caah sizung ah an thlop lio asi. A dam zaunak lai thlacam bawm cio hna usih Tiah Fb cahmai pakaht ah atial. Credit

Myanmar le Thailand ramri ah a um mi Rakhine ralkap AA pawl sakhan pakhat cu July 4, chun lai ah ralhrang ralkap nih jet vanlawng in bomb an thlak i, AA chungtel cheukhat an tiah AA lei nih cun cathan an chuah.

AA lei nih an chim ning ah cun “July 4, chun suimilam 12:25 hrawngah Myanmar le Thailand ramri ah a um mi Rakhine ralkap AA I kan sakhan pakhat cu ralhrang ralkap raldonak van lawng pahnih in bomb an thlak i, sakhan pawngkam i a ummi AA paraltha cheukhat hna cu an thi i, hliamhma apu mi zong an um tiah an chim.

Ralhrang ralkap nih kan sakhan i bomb an thlak ruangah kan sakhan chung i sizung, sikhan le thil thilthitnak sehzung pawl an rawk dih. Kan sakhan bomb an thlak hnuah Ralhrang ralkap raldonak vanlawng pahnih cu Thailand ram ah an va lut kha asi, tiah AA nih cun an chim.

AA lei in biachim nak nawl a ngei tu  Khai Thukha nih cun Thil tu ning kan zoh tikah ralhrang nih hin tinh hram hram in kan sakhan pakhat bomb an thlak in a lang. Aruang cu, a tu I KNU le ralhrang pawl kahdohnak hmun cu kan sakhan he aa hlat tuk. Cutikah, ralhrang pawl nih hin kan sakhan cu timh ciammam tein bomb an thlak in a si.

Ralhrang nih kan sakhan bomb an thlak ruangah kan paraltha minung6 an thi. Zeiruangah ralhrang nih kan sakhan bomb an thlak timi a ruang thei dingin hlathlainak kan ngei cuahmah lio asi. A tu tiang ah cun hi pin cu chim khawh mi zeihmanh a um rih loh tiah achim chap.