Breaking News; CDF-Mindat Mino pa 2 nih Ram le Miphun Ca’h an nunnak an i pe than

CDF-Mindat Mino pa 2 nih Ram le Miphun Ca’h an nunnak an i pe than
=================

August 25, Mindat peng, Palei-Htwe khuate ah a cangmi CDF-Mindat le SAC ralhrang kahdohnak ah CDF-Mindat in mino pahnih an nunnak a liam, tiah CDF-Mindat nih thawngpang an chuah.

“A nunnak a liammi minung 2 chung ah pakhat cu a paw ah meithal in an khen. A dang pakhat hi nihin chun ah ramlak ah a ruak kan char. Meithal kuanhma in a thi ve,” tiah an langhter.

Ramlak ah an hmuhmi pa hi SAC ralhrang nih an tlaih i an hrem hnu ah an thah, tiah an rak ruahmi a si.
SAC ralhrang nih an hrem hnu ah an thahmi si loin raldohnak ah kah a ton caah a nunnak a liammi a si, taih CDF-Mindat nih thawng fianhnak an tuah chih. Crd. The Chin Journal

Taliban pawl nih pasal he a then cang mi Afghan nu, India ram ah a umlio mi hna thah khawhnak nawl an chuah tiah India TV nih August 25 ah a chim. Hi kong he pehtlaihin kum 4 chung India ram ah a um cang mi nu pakhat nih; tuan ahcun ka pasal hi Taliban a si ti ka zumh bak lo. Kum tampi kan i ngei i, fa zong 4 tiang kan ngeih hnuah ka pasal hi Taliban muru a si ti ka theih.

Kut a ka thlak tuk, namte he a ka sawh nak hma zong ka hngawng, ka kut le ka lu ah atu tiang a um rih.Kan fale pahnih cu Taliban sin ah a zuar hnuah keimah zong thah dingin a ka ti peng.Kan fanu 2 hna zong cu zuar a timh rih.Cu ruangah ka fale 2 he Afghanistan kan chuahtak mi a si tiah a thil ton mi a chim. Crd. The Chin Post

Be the first to comment

Leave a Reply

Your email address will not be published.