Breaking News; CDF-Thantlang nih SAC Rahrang pa 5 a thah kho hna

CDF-Thantlang nih SAC Rahrang pa 5 a thah kho hna
==========

August 20-21 ah a cangmi Thantlang-Hakha karlak CDF-Thantlang le SAC ralhrang kahdohnak ah SAC ralhrang 5 hrawng an thi, tiah CDF nih thawngpang an chuah.

August 20 zaanlei hrawng in Thantlang he aa naihnak deuhnak hmun lei ah kahdohnak a chuak i August 21 zinglei zong ah pehzul in kahdohnak a um.

Atu ah cun SAC ralhrang tampi Thantlang khuachung ah an lut hna i, khuami nih lengchuah le umkal i ralrin ding in CDF nih ralrin peknak zong an tuah.
Crd; The Chin Journal

Kayah ramkulg(Karenni) Pasuso-Demoso lei in Loikaw ah a kalmi ralhrang nih mipi 15 cu an tlaih hna i,cikcin in an tem hna hnu ah ralhrang thuam an hruk ter hna i August 21 ah an kal pi hna. August 14 in 19 tiangah khuami 29 an tlaih cang hna i,atu lio caan hi lo riantuan caan a si caah khuami harsatnak kan tong tiah Karenni nuhrin covo ah a cawlcang mi pakhat nih a chim.

Thawngdang.Mogok ah ngatlai tu minung 4 le dawr thilcaw minung 3 cu rallokap nih an tlaih hna Mandalay ramthen Mogok khua i Minkalar Kaan Paung ah August 20 ni ah ngatlai tu minung 4 le Nilar dawr ah thil a rak caw mi minung 3 cu rallokap nih an tlaih hna tiah khuami hna nih an chim.

Khuami pakhat nih ” ngatlaih ah a kal mi minung 4 cu an rak tlaih hna.Zei ruang ah an tlaih hna ti hi kan thei lo.Rallokap hna cu Kaan Buang pawng ah rallokap thazaang tampi in hmunhma an lak nak a sau cang “tiah a chim.

Nilar dawr chung ahcun thil a rak caw mi hna chung in a cheu cu hriamtlai hna nih an rak tlaih hna i nu pahnih an i tel tiah an tlaih lio a hmu tu pakhat nih a chim. Nu pahnih an i tel. An muisam le an thil hruk cu khuate lei in a ra mi dawh an si. Muka vandum mui a khuh mi hna nih an rak tlaih hna .Muka tang ahcun hriamnam an i ken. Crd. The Chin Post

Be the first to comment

Leave a Reply

Your email address will not be published.