Breaking News; Chindwin tiva chungah ralkap tilawng le tank a phorh tu tilawng an kai

Chindwin tiva chungah ralkap tilawng le tank a phorh tu tilawng an kai
===============

Sagaing Ramthen, Monywa khua in tuni September thla ni 13 zinglei ah ralkap tilawng pa 1, Speed Boat le tank, le hriamnam thilri a phor tu tilawng pa 5 cu Chindwin tiva cung lei ah an kai tiah theih a si.

Tank le hriamnam thilri hna cu Aung Suu Mon, Hnin Wei Wei Htun bantuk tilawng hna telh chih in a dihlak fonh in pa 5 nih an phorh a si. Khuaika hmunhma tiang a kai lai ti cu theih a si rih lo.

Ralkap tilawng cu a luan cia mi ni ah khan Ayewarwaddy tiva in a rak kai i Chindwin tiva chungah a voi 1 nak ralhrangbu ralkap nih tilawng ralkap hman tilawng an hman a si tiah theih a si. Crd; Khit Thit Media

Kan ram buai ruangah Mizoram lei ah a dor mi hna cu September 12 tiangah 1252 an si cang tiah theih a si i, tam deuh cu Mizoram he ramri khua ah an i dor. A rak lut chap mi an um peng rih caah a tu dirhmun ahcun a zat ciah hi chim a har ngai rih.Tam deuh hi cu Cherhlun, Thingsai, Hngarchhip, New Hngarchhip, Bualpui- H an um hna.

Ralzaam hna kong he pehtlaihin South Tuipui MLA Dr. R. Lalthangliana, Health minister nih an eidin le an umnak sak nak caah a ruah piak hna pinah Mizoram cozah zong nih a si khawh chungin kan zohkhenh lai. An ngandamnak zong zohfelnak dingah Cherhlun public health care, Thingsai PHC le Hnahthlial district hospital in sii lei riantuantu hna zong fial an si lai.

Ka area chungah thinpang thlalau in a rak i dor mi hna kan unnau hna hi ka zaangfak tuk hna, paw tam in kan chiah hna lai lo, a herh ningin um nak le eidin zong a herh ningin kan ruah piak hna lai tiah Dr. R. Lalthangliana nih a chim.

Kan ramchungah CDF le ralhrangbu hna an i kap i khuami cheukhat hna cu september 10 in Mizoram ah an rak zaam i, a tu Mizoram ah a dor lio mi hi Cherhlun khua ah minung 80, New Hngarchhip ah minung 250, Old Hngarchhip ah minung 60, Thingsai ah 700, Bualpui-H ah minung 108 hrawng an um tiah theih a si. Crd; The Chin Post

Be the first to comment

Leave a Reply

Your email address will not be published.


*